2 Samuel 24:2 - Manobo Western Bukidnon OT

² Ne migkeǥiyan ni Hadì David si Joab wey is menge peremandar te menge sundaru te, “Beyai niw is langun he tribu te Israel, puun te Dan taman te Beersheba ne ipenlista niw is menge etew, wey ku metueni ke pira sikandan langun.”

2 Samuel 24:2 교차 참조

Genesis 21:14

Meselem pa utew zutun te sunud he andew, migkuwa si Abraham te egkeenen wey lundis he teleǥuey te wahig, ne imbeǥey zin ki Hagar. Ne impevava zin haazà ne impeǥenat din haazà is bahi wey is batà. Ne migenat en dutun si Hagar ne midriǥuriǥu ziyà te sibsivayan te Beersheba.

2 Samuel 17:11

Umbe, edsembaǥan ku sikew he vurvuruna nu is langun he Israilihanen puun te Dan pehendiyà te Beersheba, he iyan egkeiringan niw is pantad diyà te veyvey he utew mezakel. Ne iyan ke en pengulu kandan te kebpekidtebek.

2 Samuel 2:13

Midsinuǥung sikandan ni Joab he anak ni Zeruya wey te menge sakup ni David diyà te peneng te Gibeon. Nememinuu is grupu ni Abner ziyà te zivaluy he vahin dutun te peneng ne nememinuu zaan diyà te zivaluy zaan he vahin is grupu ni Joab.

2 Samuel 20:23

Iyan egalen te menge sundaru te tivuuk he Israel, si Joab. Is pengulu te tigbantey ki David he menge Kiritnen wey menge Pilitnen, iyan si Benaya he anak ni Jehoyada.

2 Samuel 23:37

Si Zelek he tig-Ammon; si Naharai he tig-Beerot, he iyan tig-uwit te ǥumaan ni Joab he anak ni Zeruya;

2 Samuel 24:15

Umbe, mibpaaǥi is Nengazen te kezeetan diyà te Israel puun dutun he meselem taman te neuma is andew he migkaǥi zin. Ne 70,000 he menge Israilihanen is mibpematey puun te Dan taman te Beersheba.

2 Samuel 3:10

Midsaad is Nengazen he kenè din en ibpahadì is minsan hentei he kevuwazan ni Saul, kekenà, si David en is edhimuwen din he hadì te Israel wey Juda, puun te Dan taman te Beersheba.”

2 Samuel 8:16

Ne iyan pengulu te menge sundaru zin, si Joab he anak ni Zeruya. Ne iyan midseriǥan te menge libru te ginhedian din, si Jehoshafat he anak ni Ahilud.

1 Cronica 21:2

Ne migkeǥiyan ni David si Joab wey is menge peremandar te menge sundaru te, “Hipanew kew, wey niw vilanga is menge Israilihanen puun te Beersheba taman te Dan. Ne likù kew kayi su wey ku metueni ke pira sikandan langun.”

2 Cronica 32:31

Piru mibey-anan sikandin te Megbevayà hein nekeuma is menge upisyal he ebpemuun te Babilonia he nenginginsà mehitenged te egkein-inuwan he nehitavù diyà te Juda. Mibeelan heini te Megbevayà su wey metueni ke hengkey is diyà te gehinawa ni Hezekia.

Erubasa 29:23

Tenged te kebpelavew te etew, ebminus is pid-etawan din; iyan, tenged te kenè din kebpelavew, edtehuzen wey edeliǥen sikandin.

Jeremias 17:5

Migkaǥi pa is Nengazen te, “Edrewakan ku is etew he ed-awà kayi te kedì ne edsarig dà te etew.

Zatù 20:1

Is langun he menge Israilihanen puun te Dan pehendiyà te Beersheba, wey puun te Gilead, midtiǥum diyà te Mizpa, diyà te etuvangan te Nengazen.