2 Samuel 24:18 - Manobo Western Bukidnon OT

¹⁸ Haazà he andew midhendiyà si Gad te ki David ne migkeǥiyan din te, “Tekezeg ka zutun te ǥunasà ni Arauna he Jebusihanen ne vaal ka zutun te pemuhatà para te Nengazen.”

2 Samuel 24:18 교차 참조

Genesis 50:10

Ne hein nekeuma sikandan diyà te ǥunasà diyà te Atad he uvey te Wahig he Jordan, ne midlalew sikandan para ki Jacob, ne utew subra is kedlelendag dan. Ne midlalew si Jose seled te pitu he andew.

2 Samuel 24:11

Sunud he meselem dutun te wazè pa med-enew si David, migkeǥiyan te Nengazen si Gad he menenagnà ni David te,

2 Samuel 24:19

Ne midtekezeg si David sumalà is insuǥù kandin te Nengazen pinaaǥi ki Gad.

2 Cronica 3:1

Ne mibpuunan en ni Solomon is kedtukuza te valey te Nengazen diyà te Jerusalem diyà te Buvungan te Moria, he zutun mebpaahà is Nengazen te amey zin he si David. Diyè din heini tukuza te gunasà ni Arauna he Jebusihanen, kes lugar he inteǥana ni David.

Zacarias 9:7

Kenè en sikandan egkaan te usa he zuen din pa lengesa wey menge keenen he imbandu is kegkeena zuen. Is egkesamà kandan, ed-isipen te Megbevayè tew he menge etew zin, ne egkehimu en sikandan he zuma te menge etew te Juda. Is menge meǥinged diyà te Ekron, egkehimu he zuma te menge etew te Nengazen iring te menge Jebusihanen dengan.