2 Samuel 23:1 - Manobo Western Bukidnon OT

¹ Si David he anak ni Jesse, midhimu he mevantug te Utew Lavew he Megbevayà. Mibpilì sikandin te Megbevayà ni Jacob he mehimu he hadì. Wey ebaal sikandin te menge kentahan te Israel. Iyan heini impeneltelaan din:

2 Samuel 23:1 교차 참조

Genesis 49:1

Ne zutun mid-umew ni Jacob is menge anak din, ne ke sikandin te, “Pen-uvey kew kayi su wey ku sikiyu mekeǥiyi ke hengkey is egkeulaula keniyu keuzemà.

2 Samuel 22:34

Edlig-enan nu is menge paa ku iring te paa te selazeng, para mezesen a he ebpenekezeg diyà te metikang he menge lugar.

2 Samuel 22:51

Is pinilì nu he hadì ebeǥayan nu te zekelà he menge kezeeǥan. Mahal nu si David wey is menge kevuwazan din te wazà pidtemanan.”

1 Cronica 16:7

Haazà he andew te nehuna he timpu, imbeǥey ni David diyà te ki Asaf wey ziyà te zuma zin he menge Levihanen heini is kanta te kebpeselamat diyà te Nengazen:

1 Cronica 16:9

Kentahi niw sikandin te menge kedalig; ipenudtul niw is langun he egkein-inuwan he menge vaal zin.

Salmo 2:6

Ke sikandin te, “Diyà te Zion, kes segradu he vuvungan ku, insavuk ku is mibpilì ku he hadì.”

Salmo 72:20

Iyan heini ketepusan he menge kebpengemuyù ni David te anak ni Jesse.

Salmo 89:20

Si David he suluǥuen ku, iyan mibpilì ku he hadì pinaaǥi te kedlenahi kandin te segradu he lana ku.

Salmo 89:21

Is gehem ku eduma kandin wey edlig-en kandin.

Amos 6:5

Kehizu niw te ebaal te menge kanta zutun te edtukar kew te alpa wey susuaten he ebaal te sunata pinaaǥi te menge instrumintu iring ki David.

Deuteronomio 33:1

Iyan heini menge lalag ni Moises te suluǥuen te Megbevayà hein mibpenubtuvazan din is menge Israilihanen dutun te wazè pa sikandin mebpatey.

1 Samuel 17:12

Duen anak ni Jesse he si David. Si Jesse ne sevaha he Efratahanen he ziyà ed-ubpà te Betlehem he sakup te Juda. Meǥurang en sikandin dutun te timpu te iyan pa hadì si Saul te Israel. Walu is anak din he pudu maama.

1 Samuel 18:7

Iyan heini kanta zan: “Tignengkelibu is nepatey ni Saul, piru is ki David mulà tigsepulù he libu.”

1 Samuel 2:10

Id-awè din is menge etew he edsukul kandin. Ibperuǥung din is langit he tuus te kegkepeuki zin te menge kuntada zin. Su is Nengazen, edhukuman din is tivuuk he kelibutan. Tenged kandin egkehimu he gemhanan is pinilì din he hadì.”