2 Samuel 22:42 - Manobo Western Bukidnon OT

⁴² Mibuyù dan te tavang, piru wazà midlibri kandan. Nengumew-umew zan kenikew, piru wazè nu sikandan tevaka.

2 Samuel 22:42 교차 참조

Job 27:9

Ebpemineg be is Megbevayà te kebuyù din te tavang emun egkeumahan sikandin te kemereǥenan?

Erubasa 1:28

Ne ed-umawen a keniyu, iyan, kenà ad edtavak; ebpen-ahaan a keniyu, iyan, kenà a keniyu egketuredu.

Isaias 1:15

“Emun ebpengemuyù kew ne kenè ku sikiyu ebpemineǥen. Kenà a ebpemineg minsan kepipira kew pa med-ampù, su mahabet en is mibpenhimetayan niw he menge etew.

Isaias 17:7

Dutun he andew, edangep en is menge etew ziyà te midlimbag kandan he iyan is Waǥas he Megbevayà te Israel.

Isaias 17:8

Kenè dan en edangep diyà te menge pemuhatà he mibeelan dan dà. Kenè dan en edseǥipaan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà, menge pemuhatà he vineelan dan dà daan.

Ezekiel 20:3

“Sikew is etew, keǥiyi nu heeyan is menge pengulu te Israel, he siak, is Nengazen he MEGBEVAYÀ, migkaǥi a te, ‘Midhengkayi kew ve te kebpetudtul kediey te menge lalag ku? Siak, is Nengazen he MEGBEVAYÀ he uuyag, ebpenangdù a he kenè ku edtudtulen is menge lalag ku ziyà te keniyu.’

Micas 3:4

Dutun te timpu te kedsiluti keniyu ebuyù kew te tavang diyà te Nengazen, piru kenè kew zin edtevangan; ed-iniyuǥan kew zin tenged te mezaat he menge vaal niw.

1 Samuel 28:6

Ne zutun mid-insaan din is Nengazen, ne wazà sikandin tevaka te Nengazen minsan te teǥeinep dà, wey pinaaǥi te Urim wey te menge ebpeneuven.