2 Samuel 22:11 - Manobo Western Bukidnon OT

¹¹ Mid-untud ka te kirubin, ne utew heini meǥaan he edlayang he eduma te keramag.

2 Samuel 22:11 교차 참조

Genesis 3:24

Ne hein midsegseg din en haazà is etew, impevantey zin dutun te zapit te pemuleey he Eden sikan is menge velinsuǥuen din he kirubin wey zuen daan egkeregreg he ispada he ebiyuviyu su wey wazà minsan hentei he ebpekehendiyà te kayu he ebpekeveǥey te untung.

2 Samuel 6:2

Ne migenat dan pehendiyà te Baala he sakup te Juda su egkuwaan dan diyà kes Kavan te Kebpekid-uyun te Megbevayà, he zutun is Nengazen he Mekeǥeǥehem. Ne zutun is Nengazen te teliwazà te menge kirubin he zutun te divavew te Kavan.

Salmo 104:3

Mibangun nu is ubpeey nu ziyà te zivavew pa te kewkewangan. Ne iyan midhimu nu he menge kerwahi nu is menge ǥapun, ne ed-untud ka he egkeuwit te keramag.

Salmo 139:9

Emun be e zà ebpekelayang ne edlayang a pehendiyà te edsilaan etawa ziyà a ed-ubpà te utew meziyù he ziyà te edsenlepan,

Salmo 18:10

Mid-untud ka te kirubin, ne utew heini meǥaan he edlayang he eduma te keramag.

Salmo 68:17

Nekeuma is Nengazen diyà te valey zin he ebpuun diyà te Sinai duma te linibu he menge kerwahi zin.

Salmo 80:1

Sikew is ebantey te Israel, pemineǥa key kenikew, iyan ka migiya te iring te menge kerehidu he menge kevuwazan ni Jose. Sikew is ebpimpinuu ziyà te pinuuwè nu te kedhadì he egkezivavew te nepelestaran te menge kirubin, ipeehè nu is gehem nu

Salmo 99:1

Edhadì is Nengazen ne ebpimpinuu sikandin diyà te pinuuwè din te kedhadì he ziyà te teliwazà te menge kirubin. Nehuyung is kelibutan tenged te ǥehem din; ebpengerkeren is menge etew te kezekelà te kedtahud dan kandin.

Ezekiel 9:3

Puun pa zengan sikan is gapun etawa regreg he tuus te mekeǥeǥehem he kebpekiduma te Megbevayà te menge Israilihanen ne egkaahà diyà te zivavew zuen te ledawan te menge kirubin he ziyà te seled duen te simbahan, piru kayi he timpu mid-awà heini zutun ne midhalin diyà te ǥemawan te valey te Nengazen. Ne mid-umew te Nengazen sikan is etew he mibivisti te linu he seseluniket te teleǥuey te idsurat,

1 Samuel 4:4

Umbe, midsuǥù sikandan te menge etew he ibpekuwa ziyà te Shilo kes Kavan te Kebpekid-uyun te Nengazen he Mekeǥeǥehem. Is tangeb din ne zuen dezuwa he ledawan te kirubin, ne zutun is Nengazen ed-ubpà te pid-elangan. Elin daan dutun miduma kes dezuwa he anak ni Eli he si Hofni wey si Finehas.