2 Samuel 22:10 - Manobo Western Bukidnon OT

¹⁰ Mibpuwasan nu is langit iring te kebpuwas te kurtina, ne mibpenaug ka he ziyà med-untud te mekepal he ǥapun.

2 Samuel 22:10 교차 참조

1 Hadì 8:12

Ne mid-ampù si Solomon te, “Nengazen, migkaǥi ka he ed-ubpè ka ziyà te kivel.

Salmo 104:3

Mibangun nu is ubpeey nu ziyà te zivavew pa te kewkewangan. Ne iyan midhimu nu he menge kerwahi nu is menge ǥapun, ne ed-untud ka he egkeuwit te keramag.

Salmo 144:5

He Nengazen, puwasi nu is langit ne vulus ka. Semsama nu is menge vuntud wey med-evel.

Salmo 97:2

Nekeliǥuy kandin is mekepal he ǥapun, ne egkezumahan te ketazeng wey hustu he kukuman is kedhadì din.

Exodus 19:16

Ne hein meselem dutun te iyan en iketelu he andew, nemeransì wey egkeserasab is kilat, ne zuen mekepal he ǥapun he nekeselikuvung dutun te vuntud, ne egkezineg dutun is utew mezaǥing he vudyung. Ne tenged kayi, migkerker te kegkahandek is langun he menge etew ziyà te kampu zan.

Exodus 20:21

Wazà med-awà is menge etew zuen te nepunduwan dan, ne si Moises mulà mid-uvey zuen te mekepal he ǥapun he zutun is Megbevayà.

Isaias 63:19

Gaked key kenikew puun pa zengan. Piru henduen be te ed-isipen nu he kenè key kenikew ǥaked, ne henduen be te wazè key kenikew dumelaha.

Nahum 1:3

Kenè sikandin melemu he egkepauk, piru mekeǥeǥehem sikandin ne edsilutan din is nekesalà. Emun edsaǥad sikandin edselenuhug is keramag wey ebpemagyu. Is menge ǥapun henduen dà te eliyavuk diyà te menge paa zin.

Deuteronomio 4:11

Ne zutun mid-uvey kew ne midhitindeg kew ziyà te lugtenaan te vuntud he edriyubriyub te regreg he henduen be te ebpekeume en diyà te langit, ne nevukusan heini te mekepal he kivel wey utew heini merusirem.