2 Samuel 21:7 - Manobo Western Bukidnon OT

⁷ Piru si Mefiboshet is anak ni Jonatan he apù ni Saul ne wazà mulà iapil ni David te ebeǥey kandan, tenged te penangdù dan ki Jonatan diyà te etuvangan te Nengazen.

2 Samuel 21:7 교차 참조

2 Samuel 16:4

Migkaǥi si David te, “Emun iyan heeyan, ne ǥuntaan ibeǥey ku kenikew is langun he ǥaked ni Mefiboshet.” Midtavak si Ziba te, “Mahal he Hadì, andam a he ebpenilbi kenikew. Berakat he igkelipey a kenikew.”

2 Samuel 4:4

Gawas ki Ishboshet duen pa kevuwazan ni Saul he nesamà he iyan si Mefiboshet, he anak ni Jonatan. Lelime en he tuig is penuiǥen din te kebpatey ni Saul wey si Jonatan diyà te Jezreel. Hein netuenan duen te egahat ki Mefiboshet he minatey en si Saul wey si Jonatan, migègaanan din enawa sikandin ne mibpelaǥuy. Dutun te utew zin kegkezeǥusu he ebpelaǥuy, nelekaan din haazà is batà umbe nehimu he begelid heini.

2 Samuel 9:1

Ne sevaha he andew, nenginginsà si David te, “Duen pe be nesamà te pemilya ni Saul he igkepeehè ku kandin is gaǥew ku tenged ki Jonatan?”

2 Samuel 9:10

Sikew, is menge anak nu, wey is menge suluǥuen nu iyan edterebahu te tanà para kandin, ne uwita nu ziyà te kandin is menge abut, para zuen egkekaan te pemilya zin. Ne si Mefiboshet mulà iyan ad ebpekaan kandin kayi te kedì.” (Si Ziba ne zuen din 15 he anak he menge maama ne 20 is suluǥuen din.)

2 Samuel 9:6

Is ngazan te anak ni Jonatan ne iyan si Mefiboshet ne apù sikandin ni Saul. Hein nekeuma sikandin diyà te ki David ne midluhud sikandin he edtahud. Migkaǥi si David te, “Mefiboshet?” Ne midtavak sikandin te, “Uya, datù.”

2 Samuel 9:7

Migkeǥiyan ni David sikandin te, “Kenè ka mahandek, su ibpeehè ku kenikew is keupiya ku tenged te amey nu he si Jonatan. Id-ulì ku kenikew is langun he menge tanà te apù nu he si Saul, ne kenà iyan dà heeyan, kekenà, kayi ku en sikew ibpekaan duma kedì.”

Megwewali 8:2

Tumana nu is suǥù te hadì su insaad nu ziyà te Megbevayà he ebeelan nu heini.

1 Samuel 18:3

Midsaad si Jonatan ki David he ebpeelukuyè dan taman te taman su mibmahal ni Jonatan si David iring te keugelingen din.

1 Samuel 20:12

Migkeǥiyan ni Jonatan si David te, “Ibpenangdù ku ziyà te Nengazen he Megbevayà te Israel, he te iring kayi he uras keeselem wey ke sunud be he andew, ebpekidlalag a te amey ku, ne emun meupiya is gehinawa zin kenikew ne egkeǥiyen ku zà kenikew.

1 Samuel 20:15

ne ipedayun nu gihapun is kebmahala nu te pemilya ku, minsan te ed-eminen edhimetayi te Nengazen is langun he kuntada nu.”

1 Samuel 20:17

Impeuman ni Jonatan ipepenangdù si David he mahala zin sikandin su mibmahal zin daan si David iring te keugelingen din.

1 Samuel 20:42

Ne migkeǥiyan ni Jonatan si David te, “Na, meupiya he kedhipanew. Deyzey ke edtevangan ki te Nengazen he kenà mezeeti is neupekatan ta he mibpetistiǥusan ta kandin he iyan is mehitenged te kedketeleemiǥu ta ne mekepedayun heini ziyà te menge kevuwazan ta.” Ne zutun midhipanew si David, ne si Jonatan mulà ne midlikù diyà te inged.

1 Samuel 20:8

Deyzey ke ebeelan nu heini he iyan ebpenistiǥus te kesebutan he migkaǥi nu kedì diyà te etuvangan te Nengazen. Piru emun nekesalà a iyan, ne minsan sikew zà is edhimatey kedì. Kenè en kinahanglan he ibpalad e pa kenikew te amey nu.”

1 Samuel 23:18

Mibaal zan dutun is dezuwa te kebpekid-uyun diyà te etuvangan te Nengazen. Ne zutun mid-ulì si Jonatan, ne si David mibpelintetaǥak dà diyà te Horesh.

1 Samuel 24:22

Ne zutun mibpesarig si David. Ne mid-ulì si Saul, piru si David mulà wey is menge sakup din ne midlikù dan dutun te elesey zan.