2 Samuel 18:28 - Manobo Western Bukidnon OT

²⁸ Hein nekeuma si Ahimaaz, migkemusta zin is hadì ne midluhud he tuus te kedtahud din. Ne migkaǥi sikandin te, “Ereg he edeliǥen is Nengazen he Megbevayè nu, Mahal he Hadì! Su iyan mibeǥey kenikew te kezeeǥan te menge etew he midsukul kenikew.”

2 Samuel 18:28 교차 참조

Genesis 14:20

Deliǥa is Utew Lavew he Megbevayà, su midhimu zin he mekezaag ka te menge kuntada nu.” Ne zutun, imbeǥey kandin ni Abram is ikepulù he vahin te langun he netavan din.

Genesis 24:27

Ke sikandin te, “Edeliǥen is Nengazen, he iyan Megbevayà te egalen ku he si Abraham. Impeehè din is kenà egkahanew he ǥaǥew zin te egalen ku. Iyan sikandin migiya kedì wey a mekehendiyà te kezuzumahi te egalen ku.”

2 Samuel 1:2

Iketelu he andew, zuen nekeuma zutun te Ziklag he etew he ebpuun diyà te kampu ni Saul, he nengevindas is kumbalè din, ne nepurung te eliyavuk is ulu zin su ibpeehè din he edlalew sikandin. Midhendiyà sikandin te ki David ne midluhud su edtahud kandin.

2 Samuel 14:4

Hein nekeuma haazà is bahi ziyà te hadì, midluhud sikandin tuus te kedtahud he egkaǥi te, “Tevangi a, Mahal he Hadì!”

2 Samuel 22:27

Tinutuuwà is kebpekidepitè nu te menge etew he tinutuuwà daan is kebpekidepitè dan kenikew, ne metau ka zaan he bales te menge lalung.

2 Cronica 20:26

Hein ikeepat en he andew ne midtiǥum sikandan diyà te Suǥud te Beraca ne midalig dan dutun is Nengazen. Umbe egngezanan heini te Suǥud te Bereca taman guntaan.

Salmo 115:1

Kenè key iyan ereg he ebeǥayan te zengeg, Nengazen, kekenà, iyan ka, tenged te kebmahala nu kenami wey te kebmetinumanen nu.

Salmo 124:6

Dait he edeliǥen is Nengazen, su wazè din ituǥut he zèdeeti kiw te menge kuntada tew he henduen be te menge langgam he zumezaas.

Salmo 31:8

Wazà a kenikew iveǥey ziyà te menge kuntada ku, kekenà, midlibri a kenikew te kezeetan.

Exodus 18:10

Ke sikandin te, “Idalig tew te Nengazen is kedlibriya zin keniyu ziyà te ǥehem te menge Ehiptohanen wey te hadì dan.

1 Samuel 17:46

Guntaan he andew, ibeǥey ka kedì te Nengazen; edhimetayan ku sikew ne edtempezen ku is lieg nu. Wey te heini he andew ibpekaan ku te menge tagbis wey memevurut he langgam is menge ebpematey he menge Filistihanen. Ne egketuenan te tivuuk he kelibutan he zuen Megbevayà te Israel.

1 Samuel 24:18

Imbeǥey a te Nengazen diyà te kenikew, piru wazà a kenikew himetayi.

1 Samuel 25:23

Hein neehè en ni Abigail si David, ne migaanggaan mebpenaug dutun te asnu ne midluhud diyà te ki David is edtahud, migkaǥi sikandin te, “Datù, pemineǥa a kenikew. Iyan e zà besula.

1 Samuel 26:8

Migkeǥiyan ni Abishai si David te, “Imbeǥey en te Megbevayà kenikew is kuntada nu te heini he andew. Guntaan tuǥuti a kenikew he ebpilaken ku sikandin te vangkew. Ibpezeket ku sikandin dutun te tanà te senge pilak dà.”