2 Samuel 18:21 - Manobo Western Bukidnon OT

²¹ Ne migkeǥiyan ni Joab is sevaha he etew he tig-Etiopia te, “Hipanew ke en, ne tudtuli nu si Hadì David te neehè nu.” Ne hein nekepasad he edseludu haazà is etew ziyà te ki Joab, ne mibpelelaǥuy sikandin.

2 Samuel 18:21 교차 참조

2 Samuel 18:20

Migkaǥi si Joab te, “Kenà ka iyan edtudtul ziyà te hadì guntaan he andew. Egkehimu ka he ebpenudtul emun duma he andew kenà guntaan, tenged te nepatey is anak te hadì.”

2 Samuel 18:22

Mid-umanan keǥiyi ni Ahimaaz si Joab te, “Minsan hengkey is egkeulaula, tuǥuti a he edsunud a zutun te etew he tig-Etiopia.” Midtavak si Joab te, “Mama, maan is egkesuat ka he edhipanew? Wazà suhul nu keniyan te kebpenudtul nu.”

2 Samuel 18:23

Migkaǥi sikandin te, “Minsan hengkey is egkeulaula ne edhipanew a.” Ne migkeǥiyan ni Joab sikandin te, “Uya, genat ke en!” Ne zutun mibpelelaǥuy si Ahimaaz, ne nememantek dà sikandin diyà te menge suǥud te Jordan, ne nehunaan din pa haazà is etew he tig-Etiopia.

2 Samuel 18:31

Netegteǥaad ne nekeuma haazà is tig-Etiopia he egkaǥi te, “Mahal he Hadì, duen meupiya he tudtul ku. Su midluwas ka te Nengazen guntaan he andew te langun he midsukul kenikew.”