2 Samuel 17:27 - Manobo Western Bukidnon OT

²⁷ Hein nekeuma ensi David diyà te Mahanaim, ne migelǥelawan sikandan ni Shobi he anak ni Nahash he Amunihanen, he ziyà ed-ubpà te Raba, ni Makir he anak ni Amiel, he tig-Lo Debar, wey ni Barzilai he Gilyadnen, he tig-Rogelim.

2 Samuel 17:27 교차 참조

2 Samuel 12:26

Midsurung eni Joab is Raba, he iyan kepital te Ammon, ne hapit dan en heini egkaaǥew.

2 Samuel 17:26

Diyà megkampu si Absalom wey menge Israilihanen te Gilead.

2 Samuel 9:4

Mid-insà is hadì te, “Hendei sikandin?” Midtavak si Ziba te, “Diyà te Lo Debar, diyà te valey ni Makir he anak ni Amiel.” Ne midsuǥù si David te ibpekuwa kandin diyà.

1 Hadì 2:7

“Iyan, purungi nu mulà is menge anak ni Barzilai he tig-Gilead, ne layun nu sikandan ipekaan duma kenikew, su midtevangan e zan hein mibpeleǥuyan ku is suled nu he si Absalom.

Ezra 2:61

Kenà daan ebpekepaahà te puriba is menge kevuwazan eni Habaya, Hakoz, wey Barzilai he menge memumuhat sikandan. (Hein nengesawa heini si Barzilai iyan din mid-uwit is ngazan te enuǥang din he si Barzilai he tig-Gilead.) Ne ǥeina te kenè dan igkepaahà is listahan te menge kepuun dan, ne wazà sikandan dewata he menge memumuhat.

1 Samuel 11:1

Si Nahash he iyan hadì te menge Amunihanen, midhendiyà te inged he Jabesh Gilead duma is menge sundaru zin ne midlingutan dan su edsurungen dan. Migkaǥi ziyà te kandin is menge meǥinged dutun te, “Baal ka te kesebutan tew, ne ebpesakup key kenikew.”