2 Samuel 15:20 - Manobo Western Bukidnon OT

²⁰ Wazè pa utew meuǥet is kebpekeuma niw kayi, ne ǥuntaan eduma kew kenami he wazè dey ganì metueni ke hendei key ebpevayà? Likù kew ziyà te menge siringan niw, ne deyzey ke ipaahà te Nengazen is gaǥew zin wey keupiya zin keniyu.”

2 Samuel 15:20 교차 참조

2 Samuel 2:5

midsuǥù sikandin diyà te ibpepenudtul ziyà te kandan he egkaǥi te, “Berakat he tuvazi kew te Nengazen te impeehè niw he zekelà is kedmahal niw ki Saul te egalen niw pinaaǥi te kedlevenga niw kandin.

2 Samuel 2:6

Berakat he ipaahà te Nengazen is gaǥew zin wey kebmetinumanen din diyà te keniyu, ne ibpeehè ku zaan is kebpurungi ku keniyu tenged te mibeelan niw.

Salmo 25:10

Dutun te langun he ebeelan nu, ipeehè nu is gaǥew nu wey kegkemetinumanen nu ziyà te menge edsunud te ibpetuman diyà te kesuǥuan nu.

Salmo 56:8

Netuenan nu is menge keseengan ku. Edtentenuzan nu is menge timpu he zutun nekesineǥew a. Kenè be inlista nu heini ziyà te libru nu?

Salmo 57:3

Puun te langit ebpekeuma is tavang nu te kedlibri kediey. Ebpeel-elezan nu is menge etew he edsurung kediey. Ibpeehè nu is gaǥew nu wey kebmetinumanen nu para kediey.

Salmo 59:15

Iring sikandan te asu he edliǥuyliǥuy su ebpen-ahà te egkekaan din, ne egngesnges emun kenà egkahantey.

Salmo 61:7

Berakat he medhadì sikandin te wazà pidtemanan he iyan ka eduma kandin, is Megbevayà. Levani nu sikandin tenged te ǥaǥew nu wey kebmetinumanen nu.

Salmo 61:8

Ne zutun layun a egkanta te kedalig kenikew, ne layun ku edtumana is menge penaad ku kenikew.

Salmo 85:10

Ebpekeduma is gaǥew wey kebmetinumanen, ne ebpekeduma zaan is ketazeng wey is kelinew.

Salmo 89:14

Is kedhadì nu egkezumahan te ketazeng wey hustu he kukuman, wey egkezumahan daan te ǥaǥew wey kebmetinumanen.

Erubasa 14:22

Is etew he ebpelanu te mezaat, ebpekevaal te sayep, iyan, is etew he meupiya is ebpelenuwen din, ebmahalen wey ebpezumdumahan sikandin te zuma he menge etew.

Erubasa 3:3

Kenè nu ewaa ziyà te kenikew is kebpekid-uunungen wey is kegkemetinumanen; ke và dà belieg ne ipurung nu ivevelieg, ne ke và dà litra ne isurat nu ziyà te ǥehinawa nu.

Amos 8:12

Ebpekeziregdireg kew tenged te kegkeveley niw te kebpen-ahà te etew he ebpekepenudtul ziyà te keniyu te menge lalag ku, piru kenè niw egketuredu heini minsan hendei kew ebpevayà.

1 Samuel 23:13

Ne zutun mid-awà dutun si David te Keila wey kes 600 he menge sakup din ne midtazintazin dan diyà te zuma he lugar. Ne hein nezineg ni Saul he wazè en diyà te Keila si David, ne wazè en sikandin medhendiyà.