2 Samuel 15:18 - Manobo Western Bukidnon OT

¹⁸ Ne impehuna ni David is langun he menge sakup din, wey is langun he ebantey kandin he menge Kiritnen wey menge Pilitnen. Ne edsunud daan is 600 he Gitanhen he miduma kandin he ebpuun diyà te Gat.

2 Samuel 15:18 교차 참조

2 Samuel 15:17

Hein edhipanew en ensi David wey is menge sakup din, ne ziyè dan mebpundu te ketepusan he valey zutun te inged.

2 Samuel 18:2

Ne impehipanew zin sikandan he tetelu he vahin. Si Joab is egalen te sevaha, si Abishai he suled ni Joab is egalen te ikezuwa, ne si Itai he tig-Gat is egalen te iketelu. Migkeǥiyan sikandan ni Hadì David te, “Iyan ad eduma keniyu te kebpekidtebek niw.”

2 Samuel 20:23

Iyan egalen te menge sundaru te tivuuk he Israel, si Joab. Is pengulu te tigbantey ki David he menge Kiritnen wey menge Pilitnen, iyan si Benaya he anak ni Jehoyada.

2 Samuel 20:7

Ne migenat si Abishai puun te Jerusalem su edleyasen din si Sheba he anak ni Bicri. Miduma zin si Joab wey is menge sakup din, is menge vantey ni David he menge Kiritnen wey menge Pilitnen, wey is langun he menge memevurut he menge sundaru.

2 Samuel 6:10

Ne zutun neisip din he kenè din en ed-uwiten diyà te inged din haazà is Kavan te Nengazen. Diyè din itaǥak haazà te valey ni Obed Edom he tig-Gat.

2 Samuel 8:18

Is pengulu te tigbantey ki David he menge Kiritnen wey menge Pilitnen, iyan si Benaya he anak ni Jehoyada. Ne is menge anak ni David he menge maama, iyan megsesambag din.

1 Hadì 1:38

Umbe, migenat si Zadok he memumuhat, si Natan he ebpeneuven, si Benaya he anak ni Jehoyada, wey is menge tigbantey ni David he menge Kiritnen wey menge Pilitnen. Impeuntud dan si Solomon diyà te kudà ni Hadì David ne miduma zan diyà te Gihon.

1 Cronica 18:17

Is pengulu te tigbantey ki David he menge Kiritnen wey menge Pilitnen, iyan si Benaya he anak ni Jehoyada. Ne is menge anak ni David he menge maama, iyan upisyal zin.

1 Samuel 23:13

Ne zutun mid-awà dutun si David te Keila wey kes 600 he menge sakup din ne midtazintazin dan diyà te zuma he lugar. Ne hein nezineg ni Saul he wazè en diyà te Keila si David, ne wazè en sikandin medhendiyà.

1 Samuel 25:13

Migkeǥiyan ni David is menge sakup din te, “Endama niw is menge ispada niw!” Ne zutun nengandam dan ne migkuwa zan is ispada zan, ne iyan daan haazà mibeelan ni David. Menge 400 he etew is miduma ki David. Ne 200 is mibpelintetaǥak su ebantey te menge gamit dan.

1 Samuel 27:3

Diyè dan med-ubpà te Gat duma ki Akish. Miduma zan en diyà is pemilya zan. Miduma zaan ni David is dezuwa he esawa zin he si Ahinoam he tig-Jezreel wey si Abigail he tig-Carmel he iyan esawa zengan ni Nabal.

1 Samuel 27:4

Hein netuenan ni Saul he mibpelaǥuy en si David diyà te Gat, ne wazè din en pen-ahaa.

1 Samuel 30:1

Hein iketelu en he andew, nekeuma si David wey is menge sakup din diyà te Ziklag. Netuenan dan he midsurung te menge Amalikanhen is Negev, apil en is Ziklag. Mibinsulan dan is Ziklag

1 Samuel 30:14

Midsurung dey is sakup te Negev he mid-ubpaan te menge Kiritnen, he sakup te Juda, wey apil pa is sakup te Negev he ed-ubpaan te menge kevuwazan ni Caleb. Ne mibinsulan dey zaan is Ziklag.”

1 Samuel 30:9

Ne zutun migenat si David wey is 600 he sakup din taman te nekeuma zan diyà te zal-ug he Besor. Ne zutun dà mebpelintetaǥak is