2 Samuel 11:27 - Manobo Western Bukidnon OT

²⁷ Neiwas is kedlalew zin, ne impekuwa sikandin ni David ne mid-uwit din diyà te turuǥan din. Mid-esawa sikandin ni David, ne wazà meuǥet ne mid-anak sikandin te maama. Piru wazà mesuat is Nengazen te mibeelan ni David.

2 Samuel 11:27 교차 참조

Genesis 38:10

Ne mezaat diyà te etuvangan te Nengazen haazà is mibeelan ni Onan, umbe midhimetayan din si Onan.

2 Samuel 12:9

Ne maan is wazè nu tumana is menge lalag ku ne iyan nu maan heini mibeelan is kenè ku igkesuat? Mibpehimetayan nu si Uria he Hitihanen diyà te tebek; mibpehimetayan nu sikandin te menge Amunihanen, ne mid-aǥew nu pa is esawa zin.

2 Samuel 15:26

Piru emun kenè e zin en igkelipey ne andam ad minsan hengkey is ekegesuatan din he ebeelan din kedì.”

1 Hadì 21:16

Kegkezineg ni Ahab he minatey en si Nabot, segugunà sikandin migenat is ed-angken te pemuleey ni Nabot te paras.

1 Hadì 21:20

Ne hein naahà ni Ahab si Elias ke sikandin te, “Neehè e ves te kuntada ku!” Midtavak si Elias te, “Uya, midhengkayi a te kenikew su geina te iyan nu zà layun egkesuatan is kebaal te mezaat diyà te etuvangan te Nengazen!

1 Cronica 21:7

Wazà daan mesuat is Megbevayà te heini he suǥù ni David, umbe midsilutan din is Israel.

Salmo 5:6

Edezeetan nu is menge teruen ne egkeepesan nu is menge etew he ebpenhimatey te etew wey is menge men-aakal.

Erubasa 6:29

Ne iring din ded daan is maama he egkevut te vahi he zuen din en esawa su kenà ebpeseyluwen, kekenà, edsilutan sikandin.

Isaias 29:15

Mekehizuhizu kew is nenigudu para mekeeles diyà te Nengazen is menge pelanu niw. Mibeelan niw is menge vuluhaten niw ziyà te merusirem, ne ke sikiyu te, “Wazà ebpekaahà wey egketau te ebeelan tew.”

Penhulùhulù 3:36

Kenà daan egkesuatan te Nengazen he edtuisen is hustu he kukuman diyà te hukmanan. Neehè din heini is langun.

Deuteronomio 22:29

kinahanglan he ibpevayad haazà is maama te 50 he vuuk he pelata ziyà te amey te vahi. Ne kinahanglan he ed-esewaan din haazà is bahi su mibpeǥes din man, ne kinahanglan he kenè din edsuwayan mintras uuyag pa sikandin.