2 Cronica 9:7 - Manobo Western Bukidnon OT

⁷ Utew zeyzey is menge sakup nu! Utew zeyzey is menge upisyal nu he ebpenilbi kenikew su lelayun dan egkezineg is ketau nu.

2 Cronica 9:7 교차 참조

1 Hadì 10:8

Utew zeyzey is menge sakup nu! Utew zeyzey is menge upisyal nu he ebpenilbi kenikew su lelayun dan egkezineg is ketau nu.

2 Cronica 9:6

Wazà a medtuu kayi umbe midhengkayi a ne neehè ku human. Is tutuu, ne wazà ganì mekedliliwezaan is netudtul kedì mehitenged kenikew te neehè ku. Is ketau nu ne lavew pa zutun te nezineg ku.

2 Cronica 9:8

Ereg he edeliǥen is Nengazen he Megbevayè nu, he nelipey kenikew wey midhimu kenikew he hadì para edhadì ka para kandin. Tenged te gaǥew te Megbevayè nu te Israel wey te suat din he mebpedayun heini he nasyun te wazà pidtemanan, midhimu ke zin he hadì kayi, para meveeli nu is hustu wey metazeng diyà te menge etew.”

Salmo 27:4

Duen sevaha he mibuyù ku ziyà te Nengazen he utew ku en egkesuati he iyan is: kebpekeubpè ku ziyà te valey zin seled te tivuuk he untung ku, ne zutun egkepurung ku egkengunùngunù is keupiya zin, ne ebpekahangyù a ziyà te kandin he giyahi e zin.

Erubasa 10:21

Is lalag te metazeng he etew ebpekeveǥey te keupiyaanan diyà te mezakel he menge etew, piru is menge tulebung ebpemematey tenged te kekurang te kedsavut dan.

Erubasa 13:20

Is etew he uluwanen layun ebpekiduma te iring din he uluwanen, iyan, ebpekebmereǥen mulà is etew he layun ebpekiduma te tulebung.

Erubasa 3:14

Su zekelè pa is pulus kayi kenà is selapì wey vulawan,

Erubasa 3:3

Kenè nu ewaa ziyà te kenikew is kebpekid-uunungen wey is kegkemetinumanen; ke và dà belieg ne ipurung nu ivevelieg, ne ke và dà litra ne isurat nu ziyà te ǥehinawa nu.

Erubasa 8:34

Utew zeyzey is etew he layun ebantey wey edtaǥad su wey mekepemineg kedì.

Deuteronomio 33:9

Impeehè dan is kezekelà te kebpekid-unungen dan kenikew he lavew te kebpekid-unungen te menge ginikanan dan, menge suled dan, wey menge anak dan. Midtuman dan is lalag nu, wey midtipiǥan dan is insurat he kebpekid-uyun nu kandan.