2 Cronica 9:4 - Manobo Western Bukidnon OT

⁴ henduen be te kenà sikandin ebpeketuu. Iring ded hein neehè din is menge keenen diyà te lemisahan te hadì, is kedumala te menge upisyal zin, is kebpenilbi te menge suluǥuen din wey is menge tigsilbi te vinu zin he mekempet is menge yunipurmi zan, wey is menge pemuhat he edtutungen he impemuhat din diyà te valey te Nengazen.

2 Cronica 9:4 교차 참조

1 Hadì 10:5

henduen be te kenà sikandin ebpeketuu. Iring ded hein neehè din is menge keenen diyà te lemisahan te hadì, is kedumala te menge upisyal zin, is kebpenilbi te menge suluǥuen din he mekempet is menge yunipurmi zan, is menge tigsilbi te vinu zin, wey is menge pemuhat he edtutungen he impemuhat din diyà te valey te Nengazen.

1 Hadì 5:2

Ne mibpeuwit te lalag si Solomon diyà te ki Hiram, ke sikandin te,

1 Hadì 5:3

“Netuenan nu he wazà mekepevangun is amey ku he si David te valey he para te Nengazen he Megbevayè din, su layun dà sikandin ebpekidtebek te menge kuntada zin diyà te menge nasyun te peliǥuy. Kenè din heini egkevangun taman te igkepezaag te Nengazen kandin is langun he kuntada zin.

2 Hadì 16:18

Ne para melipey sikan is hadì te Asiria, migkuwa ni Ahaz diyà te turuǥan is iring te atep he egemiten emun Andew te Kedhimeley wey midlekevan din is beyeey te menge hadì te Juda emun edseled dan diyà te valey te Nengazen.

1 Cronica 9:18

Taman guntaan ne iyan sikandan ebantey zuen te Gemawan te Hadì he zapit te edsilaan he kilid duen te inged. Iyan sikandan dengan ebantey te ǥemawan te edseled diyà te kampu te menge kevuwazan ni Levi.

2 Cronica 23:13

Ne neehè din dutun is beǥu he hadì he midhitindeg uvey zuen te tukud he edhithitindeǥan te menge hadì duen te ǥemawan te valey te Nengazen. Dutun te avey te Hadì is menge peremandar wey is menge perehiyup te trumpita, ne langun he menge etew nemen-uruhuy wey mibpezaǥing te trumpita. Is menge perekanta he zuen dan menge instrumintu ne edhuna sikandan is edalig te Megbevayà. Ne hein naahà ni Atalia haazà is langun, mibindas din is bisti zin su mibmezaat is gehinawa zin, ne nemensag sikandin te, “Menge meluiven! Menge meluiven!”

2 Cronica 9:3

Hein neperikesà dutun te rayna ziyà te Sheba is ketau ni Solomon, wey hein neehè din is utew mekempet he turuǥan he midtukud din,

2 Cronica 9:5

Migkeǥiyan din haazà is hadì te, “Tutuu ves iyan is nezineg ku ziyà te nasyun ku mehitenged te menge mibeelan nu wey ketau nu.

Nehemias 1:11

Nengazen, pemineǥa nu is ampù ku te suluǥuen nu, wey is ampù te zuma he menge suluǥuen nu he igkelipey zan is kedtehuza kenikew. Pengelinteuwi nu he ituǥut te hadì is edhengyuen ku ziyà te kandin. Ne verakat he purungi e zin.” Dutun he timpu, iyan a edsilbi te vinu ziyà te hadì.

Salmo 119:81

Edarà ad is edtaǥad te kedlibriya nu kedì, piru edsarig a ǥihapun te lalag nu.

Salmo 143:7

Segugunà a tevaka, Nengazen. Naawè en is perateng ku. Kenà a kenikew elesi su kela ke ibpatey ku.

Erubasa 9:5

Hendiyè kew wey kew mekekaan te keenen he in-andam ku, ne wey kew zaan mekeinum te vinu he inteǥana ku.

Solomon 5:8

Sikiyu is menge vahi te Jerusalem, penangdù kew he emun egkeehè niw is minahal ku ne keǥiyi niw sikandin he midluyahan a tenged te kebmahal.

Ezekiel 44:3

Iyan dà is pengulu te Israel egkehimu he ebpinuu kayi he veyeey para te kegkaan te impemuhat kayi te kedì, piru kinahanglan he ziyà sikandin ebayà te varkun te veyeey emun edseled, ne zutun ded daan sikandin mebayà emun egawas en.”

Ezekiel 46:2

Is pengulu ziyà ebayà te veyeey he ebpekesinaru ziyà te edsilaan, ne edhitindeg sikandin diyà te avey zuen te pultahan dutun te ebpemuhat is menge memumuhat te pemuhat he edtutungen wey te pemuhat din he para te meupiya he kedepità. Dutun te pultahan ed-azap is pengulu ne kegkepasad kayi egawas sikandin, piru haazà is pultahan kenà edlekevan te taman te mezukilem.

Daniel 10:17

Ebmenumenu a he ebpekidlalag kenikew te wazè ku en desen wey hapit e en kenà ebpekeǥehinawa?”