2 Cronica 9:2 - Manobo Western Bukidnon OT

² Midtavak ni Solomon is langun he menge insè din, ne wazà minsan hengkey he insà wey menge vutang he wazè din ikepesavut kandin.

2 Cronica 9:2 교차 참조

1 Hadì 3:12

ibeǥey ku kenikew is mibuyù nu. Ebeǥayan ku sikew te ketau wey kedsavut he wazè pa maangken te minsan hentei he nehuna kenikew wey egkehuziyan kenikew.

1 Hadì 4:29

Mibeǥayan te Megbevayà si Solomon te nekeviza he ketau, kedsavut, wey keuluwanen he kenà egketegkad.

2 Cronica 9:1

Hein nezineg duen te rayna ziyà te Sheba is kegkevantug ni Solomon, ne midhendiyà sikandin te Jerusalem su egezaman din is ketau ni Solomon pinaaǥi te menge insà he menge mereǥen. Nekeuma sikandin diyà te Jerusalem duma te mahabet he menge sakup din, ne zuen din uwiten he menge kemilyu he kergadu te menge gasa he penaket, mahabet he vulawan, wey mahalen he menge vatu. Ne hein neked-ehè dan en ki Solomon, ne mid-insaan din si Solomon te minsan hengkey he egkesuatan din he id-insà.

2 Cronica 9:3

Hein neperikesà dutun te rayna ziyà te Sheba is ketau ni Solomon, wey hein neehè din is utew mekempet he turuǥan he midtukud din,

Erubasa 13:20

Is etew he uluwanen layun ebpekiduma te iring din he uluwanen, iyan, ebpekebmereǥen mulà is etew he layun ebpekiduma te tulebung.

Erubasa 18:4

Is menge lalag te uluwanen he etew ne ebpekeveǥey te ketau te zuma; iring te edtudà he wahig he ziyà ebpuun te mezalem he serebseb he kenà egkemezahan.