2 Cronica 8:5 - Manobo Western Bukidnon OT

⁵ Midlig-enan din is divavew wey zizalem he vahin te Bet Horon. Mibpelingutan din heini te menge verengbeng ne mibpemeelan dutun is menge pultahan he zuen dan menge terangka.

2 Cronica 8:5 교차 참조

1 Hadì 9:17

Ne mid-uman benguna ni Solomon heini is Gezer.) Mibangun daan ni Solomon is alug he vahin te Bet Horon,

1 Cronica 7:24

Duen anak ni Efraim he vahi he si Sheera. Heini sikandin ne iyan midtukud te mevavà wey metikang he lugar te Bet Horon wey te Uzen Sheera.

2 Cronica 14:7

Migkeǥiyan ni Asa is menge tig-Juda te, “Edlig-enan tew heini he menge inged pinaaǥi te kebeeli te menge verengbeng he ibpelingut kayi he zuen turi, menge pultahan, wey menge trangka. Iyan kiw zed nekaangken kayi he tanà, su midangep kiw te Nengazen he Megbevayè tew. Ne mibeǥayan kiw zin te kelinew su wazè kiw tebeka te menge kuntada tew kayi te nekelingut.” Umbe midlig-enan dan is menge inged dan ne mibmeuswaǥen dan.

2 Cronica 8:4

Mid-umanan din tukuza is Tadmor he ziyà te sibsivayan wey menge inged diyà te Hamat he zutun is menge budiga.

2 Cronica 8:6

Iyan daan heini mibeelan din diyà te Baalat wey te zuma pa he menge inged he zutun is menge budiga zin, menge kerwahi wey menge kudè din. Midtukud din is langun he egkesuatan din te edtukud diyà te Jerusalem, Lebanon wey te langun he tanà he sakup din.

Josue 16:3

Ne petupang heini ziyà te edsenlepan pehendiyà te lugar te menge Jafletnen, pelaus en diyà te zulunà te Bet Horon, pelaus te Gezer taman te Daǥat he Mediteraneo.

Josue 16:5

Iyan heini vahin te tribu ni Efraim he impemeǥey ziyà te kada pemilya zan: is dulunà kayi, ne ziyà te edsilaan puun te Atarot Adar pehendiyà te ebpekehinugnew te Bet Horon