2 Cronica 7:8 - Manobo Western Bukidnon OT

⁸ Midsilibra pa si Solomon wey is langun he menge Israilihanen te Pista te Kebaal te menge Lawig seled te pitu he andew. Utew mezakel he menge etew is nevurun he ebpuun te Lebo Hamat he zapit te zizaya pehendiyà te zal-ug te Ehipto he zapit te zivavà.

2 Cronica 7:8 교차 참조

Genesis 15:18

Ne zutun he andew, midtukud is Nengazen te kebpekid-uyun din ki Abram. Ke sikandin te, “Ibeǥey ku te menge kevuwazan nu heini he tanà. Puun diyà te wahig te Ehipto pehendiyà te zekelà he Wahig he Eufrates.

1 Hadì 8:2

Midhendiyè dan is langun te ki Hadì Solomon hein Pista te Kebaal te menge Lawig, hein bulan te Etanim, he iyan kes ikepitu he vulan.

1 Hadì 8:65

Midsilibra si Solomon wey is langun he menge Israilihanen is Pista te Kebaal te menge Lawig seled te pitu he andew. Utew mezakel he menge etew is nevurun he ebpuun te Lebo Hamat he zapit te zizaya pehendiyà te zal-ug te Ehipto he zapit te zivavà. Haazà is kedsilibra zan diyà te etuvangan te Nengazen he Megbevayè dan 14 he andew pudu, pitu he andew is para te kebpehinunguza zuen te valey te Nengazen, ne pitu zaan he andew is kedsilibra he para zuen te Pista te Kebaal te menge Lawig.

2 Cronica 30:13

Umbe, hein ikezuwa he vulan, utew mahabet is menge etew he midtiǥum diyà te Jerusalem te kedsilibra te Pista te Supas he Wazè din Tapey.

2 Cronica 30:26

Utew bibu is Jerusalem. Wazà iring kayi he nehitavù diyà te Jerusalem puun te timpu he si Solomon he anak ni David is midhadì te Israel.

2 Cronica 5:3

Midhendiyè dan is langun te ki Hadì Solomon hein Pista te Kebaal te menge Lawig, te ikepitu he vulan.

Ezekiel 45:25

Mebpemuhat daan is pengulu zutun te Pista te Kebaal te menge Lawig, he ebpuunan te ike-15 he andew te ikepitu he vulan. Ne seled daan te pitu he andew, ebpemuhat is pengulu te iring ded te menge pemuhat he ibpemuhat din emun Pista te Kedlavey te Belinsuǥuen: menge pemuhat he para idlumpiyu, menge pemuhat he edtutungen, menge pemuhat he para gasa, wey lana.”

Ezekiel 47:20

“Is dulunà diyà te edsenlepan iyan mismu is Daǥat he Mediteraneo taman diyà te lugar he atbang te Lebo Hamat. Iyan heini zulunà diyà te edsenlepan.

Amos 6:14

Benar iyan, migkaǥi is Nengazen he Megbevayà he Mekeǥeǥehem te, “Sikiyu is menge etew te Israel, ibpesurung ku te menge etew ziyà te sevaha he nasyun. Edlislisezen kew zan ne edsekupen dan is lugar niw puun te Lebo Hamat taman te zal-ug diyà te Araba.”