2 Cronica 7:6 - Manobo Western Bukidnon OT

⁶ Ne mibpelastar is menge memumuhat duen te valey te Nengazen, ne iring din ded daan is menge Levihanen he nemekesinaru kandan ne migkanta he edhenduen te, “Wazà pidtemanan te gaǥew zin.” Eduyuǥan dan haazà is kanta te menge gelemiten he mibpeveelan ni Hadì David te kedalig te Megbevayà. Dutun te etuvangan te menge Levihanen, is menge memumuhat mibpezaǥing daan te menge trumpita zutun te kemulu en ebpenhitindeg is langun he menge Israilihanen.

2 Cronica 7:6 교차 참조

1 Cronica 13:8

Midsilibra si David wey is langun he menge Israilihanen diyà te etuvangan te Megbevayà te tivuuk dan he zesen. Nemenganta zan wey midtukar te menge alpa, lira, tamburin, simbal, wey trumpita.

1 Cronica 15:24

Ne is midseriǥan te kebpezaǥing te trumpita zutun te etuvangan te Kavan te Kebpekid-uyun te Megbevayà he menge memumuhat ne iyan ensi Shebania, Joshafat, Netanel, Amasai, Zacarias, Benaya, wey si Eliezer. Si Obed Edom wey si Jehia iyan daan ebantey zutun te Kavan te Kebpekid-uyun.

1 Cronica 16:34

Peselemati is Nengazen te keupiya zin; wazà pidtemanan te gaǥew zin.

2 Cronica 23:18

Ne insarig ni Jehoyada te menge memumuhat he menge kevuwazan ni Levi is kedumala zutun te valey te Nengazen iring te mibeelan dengan ni David. Ebpemuhat dan te menge pemuhat he edtutungen sumalà te ingkesurat diyà te Kesuǥuan ni Moises, wey ed-ugyab dan wey egkanta sumalà te insuǥù ni David.

2 Cronica 29:25

Ne impepelastar ni Hezekia ziyà te valey te Nengazen is menge Levihanen he zuen dan menge simbal, menge alpa, wey menge lira. Ne kedtuman heini te insuǥù te Nengazen ki Hadì David pinaaǥi ki Gad he menenagnà ni David wey te ebpeneuven he si Natan.

2 Cronica 29:27

Ne mibmandù si Hezekia he ipemuhat en diyà te pemuhatà is menge pemuhat he edtutungen. Ne zutun te kebpemuhat, migkanta is menge etew te kedalig te Nengazen, he miduyuǥan te menge trumpita wey zuma pa he menge instrumintu he iring te mibpemeveelan dengan ni Hadì David he hadì te Israel.

2 Cronica 5:12

Is menge Levihanen he menge musikiru ne iyan si Asaf, si Heman, si Jedutun, wey is menge anak dan he menge maama, wey menge kezuzumahi zan ne midhitindeg diyà te zapit te edsilaan he avey zutun te pemuhatà. Mibivisti zan te linu he edtukar te menge simbal, alpa, wey lira. Iyan duma zan dutun is 120 he menge memumuhat he ebpezaǥing te trumpita.

2 Cronica 5:13

Is menge perekanta, ne midalig dan wey mibpeselamat dan te Nengazen he eduyuǥan te trumpita, simbal, wey zuma pa he menge gelemiten. Iyan heini kanta zan: “Meupiya is Nengazen; wazà pidtemanan te gaǥew zin.” Ne zutun nepenù te ǥapun haazà is baley te Nengazen.

2 Cronica 7:3

Hein naahà te langun he menge Israilihanen haazà is hapuy he mibulus wey is mekeǥeǥehem he kebpekiduma te Nengazen dutun te divavew te valey te Nengazen, ne midluhud dan ne mid-azap dan is Nengazen he zuma is kebpeselamat. Migkaǥi sikandan te, “Meupiya is Nengazen; wazà pidtemanan te gaǥew zin.”

2 Cronica 7:5

Nemuhat dan te 22,000 he menge vaka wey 120,000 he menge kerehidu wey menge kambing. Te heini he paaǥi impehinungud duen te hadì wey langun he menge keet-etawan haazà is baley te Megbevayà.

Ezra 6:18

Insavuk dan is menge memumuhat wey menge Levihanen diyà te kada ketengdanan dan diyà te valey te Megbevayà diyà te Jerusalem sumalà te ingkesurat diyà te Libru ni Moises.

Salmo 106:1

Deliǥa is Nengazen! Peselemati sikandin su meupiya sikandin; wazà pidtemanan te ǥaǥew zin.

Salmo 107:1

Peselemati is Nengazen, su meupiya sikandin; wazà pidtemanan te ǥaǥew zin.

Salmo 138:8

Edtumanen nu, Nengazen, is menge saad nu kayi te kediey. Wazà pidtemanan te ǥaǥew nu. Kenè nu pesegdana heini is menge linimbag nu.

Salmo 87:7

Edsayew wey egkanta sikandan is langun, ke sikandan te, “Ebpuun te Zion is langun he menge tuvad kenitew!”

Isaias 52:6

Piru egkeuma is timpu he zutun egkesayud kew ke hentei a is Megbevayà, su iyan a mismu migkaǥi ziyà te keniyu. Uya, iyan a mismu.”

Amos 6:5

Kehizu niw te ebaal te menge kanta zutun te edtukar kew te alpa wey susuaten he ebaal te sunata pinaaǥi te menge instrumintu iring ki David.

Josue 6:4

Ipehuna nu is ebivinting duen te Kavan te Kebpekid-uyun ku keniyu he pitu he menge memumuhat he ed-uwit te tigselimbaha he vudyung. Ne emun ikepitu en he andew, ne kepipitu niw liǥuya haazà is inged, duma te menge memumuhat he ebpezaǥing te vudyung.