2 Cronica 7:12 - Manobo Western Bukidnon OT

¹² Ne sevaha zutun he mezukilem, mibpaahà kandin is Nengazen he egkaǥi, “Nezineg ku is menge kebpengemuyù nu ne mibpilì ku heini is baley ku he pemuhatà te menge pemuhat.

2 Cronica 7:12 교차 참조

Genesis 17:1

Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.

1 Hadì 9:2

Ne mibpeuman mebpaahà kandin is Nengazen te iring duen te nehuna he kebpeehè din diyà te Gibeon.

2 Hadì 2:6

Ne migkaǥi si Elias diyà te ki Elisha te, “Kayi ke zà, su ibpehendiyà a te Nengazen te Wahig he Jordan.” Midtavak si Elisha, “Ebpenangdù a ziyà te uuyag he Nengazen wey ziyà te kenikew he kenà a edsuwey kenikew.” Umbe midlaus sikandan medhipanew is dezuwa.

2 Hadì 20:5

“Likù ka ziyà te ki Hezekia, he pengulu te menge etew ku, ne keǥiya nu heini: ‘Iyan heini lalag te Nengazen he Megbevayà te kepuun nu he si David: Nezineg ku is pengemuyù nu wey neehè ku is menge luhè nu. Ne ebewian ku sikew. Iketelu he andew puun guntaan ne ebpekeenew ke en, ne hendiyè ka te valey ku.

2 Hadì 21:7

Insavuk din diyà te valey te Nengazen sikan is tukud he simbulu te vahi he ed-ezapen he si Ashera he mibpeveelan din. Piru mehitenged dutun te valey te Nengazen, migkaǥi is Nengazen diyà te ki David wey ziyà te anak din he si Solomon, “Wazà pidtemanan te kebeǥayi kedì te zengeg kayi te valey ku wey kayi te Jerusalem he iyan kes lugar he nepilì ku ziyà te langun he menge lugar te langun he menge tribu te Israel.

2 Cronica 1:7

Haazà he kezukileman, mibpaahà is Megbevayà ki Solomon ne migkeǥiyan din sikandin te, “Buyù ka te minsan hengkey he egkesuatan nu su ibeǥey ku kenikew.”

2 Cronica 7:16

su heini is baley ku ne mibpilì ku wey insivey ku heini he lugar para kedì su wey mehimu he zutun a ebeǥayi te zengeg he wazà pidtemanan. Ebentayan ku heini wey ed-eturen ku lelayun.

Salmo 10:17

Nengazen, nezineg nu is ampù te menge egkaayuayu he menge etew. Ne ǥeina te ebpemineǥen nu sikandan, edlig-enan nu sikandan.

Salmo 66:19

Piru mibpemineg a te Megbevayà; midineg din is ked-ampù ku.

Malakias 3:4

Ne zutun, is menge pemuhat te menge etew ziyà te Juda wey Jerusalem, ne ebpekepenunuat en human te Nengazen, iring duen te nehuna he menge andew wey menge tuig.

Deuteronomio 12:11

Kinahanglan he ed-uwiten niw is menge pemuhat niw ziyà te lugar he ebpilien te Nengazen he Megbevayè niw he zutun sikandin ebeǥayi te zengeg. Iyan heini menge pemuhat wey menge halad he ibpahalad ku keniyu: menge pemuhat he edtutungen wey zuma pa he menge pemuhat, is ikepulù niw, is ispisyal he menge gasa niw, wey is langun he kineupiyahan he menge halad he impenaad niw ziyà te Nengazen.