2 Cronica 6:5 - Manobo Western Bukidnon OT

⁵ ‘Puun dutun te kebpeǥewasa ku te menge etew ku he Israilihanen diyà te Ehipto, ne wazè ku pilia is inged te minsan hentei he tribu te Israel para edtukuzan te valey he para te kebeǥayi kedì te zengeg, wey wazà a mebpilì te hadì he edumala te menge etew ku he Israilihanen.

2 Cronica 6:5 교차 참조

1 Hadì 8:16

‘Puun dutun te kebpeǥewasa ku te menge etew ku he Israilihanen diyà te Ehipto, ne wazè ku pilia is inged te minsan hentei he tribu te Israel para edtukuzan te valey he para te kebeǥayi kedì te zengeg. Iyan mibeelan ku is, mibpilì ku si David he edumala te menge etew ku he Israilihanen.’

2 Hadì 21:4

Mibpevaal zaan sikandin te menge pemuhatà diyà te valey te Nengazen, he sumalà te Nengazen, haazà he valey ziyà te Jerusalem iyan kes lugar he zutun sikandin ebeǥayi te zengeg.

1 Cronica 17:5

Wazè e pa mekeubpà te valey he zutun a ed-ezapa is Megbevayà puun pa te timpu te kebpeǥewasa ku te menge Israilihanen puun te Ehipto taman guntaan. Nekehalinhalin ad is diyà ed-ubpà te tulda.

2 Cronica 12:13

Mibpedayun he melig-en is kedumala ni Hadì Rehoboam wey mibpedayun sikandin he hadì diyà te Jerusalem. 41 he tuig is keǥurang din hein nehimu sikandin he hadì, ne midhadì sikandin seled te 17 he tuig diyà te Jerusalem, kes inged te langun he tribu te Israel he iyan nepilì te Nengazen he zutun sikandin ebeǥayi te zengeg. Is ngazan te iney ni Rehoboam iyan si Naama he sevaha he Amonihanen.

2 Cronica 20:8

Kayi med-ubpà sikandan wey kayi zan tukuza is baley te Nengazen para te zengeg nu. Migkaǥi sikandan te,

2 Cronica 20:9

‘Emun duen ebpekeuma he kemereǥenan kayi te kenami iring te tebek, dalem, daru, wey ke vitil, ne edhitindeg key ziyà te etuvangan nu ziyà te etuvangan kayi te valey te Nengazen he kayi ka ebeǥayi te zengeg. Ne netuenan dey he ebpekevuyù key te tavang kenikew te menge kemereǥenan dey, ne ebpemineǥen key kenikew wey edluwasen key kenikew.’

2 Cronica 30:8

Kenè kew mebmesinupaken iring te menge kepuun niw, kekenà, pesakup kew te Nengazen. Hendiyè kew te Baley te Nengazen he midhimu zin he segradu te wazà pidtemanan. Ne silbiyi niw is Nengazen he Megbevayè niw, su wey maawà is dekelà he pauk din keniyu.

2 Cronica 33:4

Mibpevaal zaan sikandin te menge pemuhatà diyà te valey te Nengazen, he sumalà te Nengazen haazà he valey ziyà te Jerusalem iyan kes lugar he zutun sikandin ebeǥayi te zengeg taman te taman.

2 Cronica 33:7

Insavuk din diyà te valey te Megbevayà is ledawan he mibpeveelan din he iyan man pezem heini sikan is simbahan he migkaǥi te Megbevayà diyà te ki David wey ziyà te anak din he si Solomon, he ke sikandin te, “Wazà pidtemanan te kebeǥayi kedì te zengeg kayi te valey ku wey kayi te Jerusalem he iyan kes lugar he nepilì ku ziyà te langun he menge lugar te langun he menge tribu te Israel.

2 Cronica 6:20

Berakat he ipata nu heini is baley nu te maandew wey mezukilem, kayi te lugar he migkaǥi nu he kayi ka ebeǥayi te zengeg. Berakat he pemineǥa a kenikew is suluǥuen nu te kebpengemuyù ku he kayi a he lugar med-etuvang.

2 Cronica 6:4

Migkaǥi sikandin, “Edeliǥen is Nengazen he Megbevayà te Israel. Midtuman din is insaad din te amey ku he si David. Migkaǥi zin dengan,

2 Cronica 6:6

Piru ǥuntaan, mibpilì ku is Jerusalem he zutun a ebeǥayi te zengeg, wey mibpilì ku si David he edumala te menge etew ku he Israilihanen.’

2 Cronica 7:16

su heini is baley ku ne mibpilì ku wey insivey ku heini he lugar para kedì su wey mehimu he zutun a ebeǥayi te zengeg he wazà pidtemanan. Ebentayan ku heini wey ed-eturen ku lelayun.

Ezra 7:16

Uwita nu zaan is langun he pelata wey vulawan he egkezawat nu puun te prubinsya he Babilonia, ragkes is ebpuun te keugelingen he suat he tavang te menge etew te Israel wey te menge memumuhat dan he para te valey te Megbevayè dan diyà te Jerusalem.

Exodus 20:24

“Baal kew te tanà he pemuhatà he iyan ebpemuhatan niw kediey, ne zutun niw ipemuhat is menge kerehidu niw, menge kambing, wey menge vaka he pemuhat he edtutungen wey pemuhat he para te meupiya he kedepità. Ne veeli niw heini ziyà te lugar he mibpilì ku he zutun a ed-ezapa, ne edhendutun a is ebpenuvadtuvad keniyu.

Exodus 23:21

Pemineǥa niw sikandin ne tumana niw is egkeǥiyen din. Kenè kew sukul kandin. Su is langun he ebeelan din, ebeelan din pinaaǥi te ngazan ku ne kenè din ebpekewezaan is menge salè niw, etawa kenè kew zin ebpeseyluwen te menge salè niw.

Daniel 9:19

Pemineǥa key, Nengazen, wey peseyluwa key. Segugunà key tevangi para meveǥayi ka te zengeg, su migkilala ka he Megbevayà diyà te inged nu wey menge etew nu.”

Zacarias 3:2

Piru migkeǥiyan duen te velinsuǥuen te Nengazen si Setanas te, “Sayep ka, Setanas, su is Jerusalem pinilì en te Nengazen. Su heini si Josue, midlibri zin puun te kegkevihag he iring te netutung he kayu he midsekelew zin puun te hapuy.”

Deuteronomio 12:11

Kinahanglan he ed-uwiten niw is menge pemuhat niw ziyà te lugar he ebpilien te Nengazen he Megbevayè niw he zutun sikandin ebeǥayi te zengeg. Iyan heini menge pemuhat wey menge halad he ibpahalad ku keniyu: menge pemuhat he edtutungen wey zuma pa he menge pemuhat, is ikepulù niw, is ispisyal he menge gasa niw, wey is langun he kineupiyahan he menge halad he impenaad niw ziyà te Nengazen.

Deuteronomio 12:5

kekenà, dangep kew ziyà te Nengazen he Megbevayè niw ziyà te lugar he ebpilien din, ke hengkey he tribu is teǥiǥaked duen kayi te langun he menge tribu te Israel. Ne zutun niw ezapa is Nengazen su iyan haazà lugar he mibpilì din he zutun sikandin ebeǥayi te zengeg.

1 Samuel 10:24

Umbe, migkeǥiyan ni Samuel is langun he menge etew te, “Iyan heini kes etew he mibpilì te Nengazen he iyan hadì niw. Wazà minsan sevaha kenitew he nekeiring kandin.” Ne zutun nemengulahì is menge etew he egkaǥi te, “Mebmeluǥayad is untung te hadì!”

1 Samuel 15:23

Is kebpekidsukulà te Nengazen iring ded kezaat te kebpeveveyilan, ne is kegkemesinupaken iring ded kezaat te ked-azap te zuma he menge ed-ezapen. Geina te inselikwey nu is suǥù te Nengazen, idselikwey ke zin daan pinaaǥi te kegkeewaa kenikew he hadì.”