Biblia Todo Logo
온라인 성경

- 광고 -




2 Cronica 5:7 - Manobo Western Bukidnon OT

7 Ne mid-uwit duen te menge memumuhat kes Kavan te Kebpekid-uyun te Nengazen diyà te lugar he kineselezan duen te valey te Nengazen, duen te Utew Segradu he Lugar, diyà te zizalem te menge pakpak duen te ledawan he menge kirubin.

장을 참조하십시오 복사




2 Cronica 5:7
13 교차 참조  

Umbe ǥuntaan, uvey kew te Nengazen he iyan Megbevayè niw te tivuuk he ǥehinawa wey kedsavut niw. Puuni niw en is kedtukuza te valey te Nengazen he Megbevayà para ikesavuk niw en dutun kes Kavan te Kebpekid-uyun te Nengazen wey kes menge segradu he menge gelemiten te Megbevayà keniyan te valey te Nengazen he midtukud para te kegkeveyawa te ngazan din.”


Mibeǥayan din daan te menge vuluhaten is menge Levihanen he menge menunudlù te menge Israilihanen, he impehinungud para te kebpenilbi te Nengazen. Migkeǥiyan din sikandan te, “Ingkepelastar en is segradu he kavan diyà te valey te Nengazen he mibangun ni Solomon he anak ni David, ne kenè en kinahanglan he ebintingen niw pa. Gemita niw en is timpu niw te kebpenilbi te Nengazen he Megbevayè niw wey te menge etew zin he menge Israilihanen.


is menge selevukà te menge sulù he lunsey he vulawan wey is menge sulù kayi he ibpesiǥa etuvangan duen te Utew Segradu he Lugar sumalà is sulunuzen bahin kayi;


Hein nevurun en is langun he menge edumala te Israel, ne migkuwa zuen te menge memumuhat wey menge Levihanen kes Kavan, ragkes en kes Tulda he Edtelevukaayan wey kes menge segradu he menge gelemiten kayi, ne mid-uwit dan heini langun petekezeg diyà te valey te Nengazen.


Nemuhat si Hadì Solomon wey is tivuuk he keet-etawan te Israel ziyà te etuvangan duen te Kavan te Kebpekid-uyun te Nengazen. Utew mahabet is menge kerehidu wey menge vaka he impemuhat dan; kenà heini egkevilang.


Nevekar is menge pakpak dutun te menge kirubin, umbe netembunan sikan is Kavan wey sikan is menge tival zuen te kavan.


Ne zutun ku isavuk kes Kavan he midteǥuan te midsuratan te kebpekid-uyun te Nengazen he midhimu zin diyà te menge etew zin he menge Israilihanen.”


Agpas ka, Nengazen, hendiyè ke en te valey nu he ed-ezapan duma sikan is Kavan te Kebpekid-uyun he simbulu te ǥehem nu.


Midsukud din sikan is Utew Segradu he Lugar, ne 34 he ǥiek kuwedradu. Ne migkaǥi haazà is etew kayi te kedì te, “Iyan heini Utew Segradu he Lugar.”


우리를 팔로우하세요:

광고


광고