2 Cronica 5:2
21 교차 참조
Netudtulan si Hadì David he midtuvazan te Nengazen is pemilya ni Obed Edom wey is langun he ǥaked din tenged dutun te Kavan te Kebpekid-uyun te Megbevayà. Ne zutun midhendiyà si David te valey ni Obed Edom ne migkuwa zin haazà is Kavan te Kebpekid-uyun te Megbevayà su ed-uwiten din diyà te inged din duma is kelipey.
Iring te mibeelan te menge kevuwazan ni Aaron, midripahan dan is kegketueni zan te menge ketengdanan dan, midripa is menge vetan-en wey menge meǥurang. Diyè dan heini veeli te etuvangan ni Hadì David, ni Zadok, ni Ahimelec, wey te menge pengulu te menge pemilya te menge memumuhat wey te menge Levihanen.
Si Shemaya he anak ni Netanel he Levihanen ne iyan sikritaryu. Inlista zin is menge ngazan te menge memumuhat dutun te etuvangan te hadì wey te menge upisyal he si Zadok he memumuhat, si Ahimelec he anak ni Abiatar, wey te menge pengulu te menge pemilya te menge memumuhat wey menge Levihanen. Mibpulipuli he edripa is menge kevuwazan ni Eleazer wey ni Itamar.
Dutun he timpu, impetawag ni Hadì David diyà te Jerusalem is langun he menge upisyal te Israel: Is menge upisyal te menge tribu, is menge peremandar te kada grupu te menge sundaru he ebpenilbi te hadì, is duma pa he menge peremandar te menge linibu wey ginatus he menge sundaru, is menge upisyal he menge sineriǥan te langun he menge azen wey menge layud dutun te hadì wey te menge anak din, is menge upisyal ziyà te turuǥan is menge gehemanen he menge etew, wey langun he memetau he menge sundaru.
Is menge Levihanen he menge musikiru ne iyan si Asaf, si Heman, si Jedutun, wey is menge anak dan he menge maama, wey menge kezuzumahi zan ne midhitindeg diyà te zapit te edsilaan he avey zutun te pemuhatà. Mibivisti zan te linu he edtukar te menge simbal, alpa, wey lira. Iyan duma zan dutun is 120 he menge memumuhat he ebpezaǥing te trumpita.
광고