2 Cronica 5:10 - Manobo Western Bukidnon OT

¹⁰ Wazà duma he taǥù duen te Kavan gawas duen te zezuwa he melumpipì he menge vatu he intaǥù dutun ni Moises hein diyà sikandin te Horeb, ne zutun himuwa te Nengazen is kebpekid-uyun din te menge Israilihanen hein migawas dan diyà te Ehipto.

2 Cronica 5:10 교차 참조

2 Cronica 6:11

Ne zutun ku isavuk kes Kavan he midteǥuan te midsuratan te kebpekid-uyun te Nengazen he midhimu zin diyà te menge etew zin he menge Israilihanen.”

Exodus 19:5

Emun ebpurung kew ebpezumazuma kedì wey edsunud kew te kebpekid-uyun ku keniyu, ebpilien ku sikiyu kayi te langun he menge nasyun he egkehimu he menge pinilì he menge etew ku. Kedì is tivuuk he kelibutan,

Exodus 31:18

Ne hein nekepasad is Nengazen he ebpekidlalag ki Moises diyà te puntur te Buntud he Sinai, imbeǥey zin diyà te ki Moises is dezuwa he midlumpipì he vatu he zutun isurat te Megbevayà is menge velaud din.

Exodus 32:19

Ne hein utew en si Moises ebpekeuvey zuen te kampu, neehè din en sikan is ed-ezapen he ledawan he tudu he vaka wey is menge etew he ebpemenayew, ne zutun utew sikandin nererengiti. Ne intimbag din duen te lugtenaan te vuntud sikan is uwiten din he memelumpipì he vatu ne nengetevì haazà.

Exodus 34:1

Ne migkeǥiyan te Nengazen si Moises te, “Basbas ka te zezuwa he vatu he edlumpipien iring duen te nehuna he imbeǥey ku kenikew, ne idsurat ku zutun is menge lalag he iyan ded sikan is menge lalag he insurat ku zuen te nehuna he melumpipì he menge vatu he migevè nu.

Exodus 40:20

Ne intaǥù din duen te Kavan sikan is melumpipì he vatu he midsuratan te Kesuǥuan, ne in-ahuk din duen te menge mibpen-iring te rintì duen te Kavan sikan is menge tival, ne midtembunan din heini.

Deuteronomio 29:1

Iyan heini kedseysaya te kedtumana te kebpekid-uyun he insuǥù te Nengazen diyà te ki Moises he imbeǥey ziyà te menge Israilihanen hein diyè dan te Moab. Ne ebpekeuman heini zuen te kebpekid-uyun din he midhimu zin diyà te kandan hein diyè dan te Horeb.