2 Cronica 4:9 - Manobo Western Bukidnon OT

⁹ Mibpevaal zaan sikandin te lama para zà te menge memumuhat wey te meluag he lama ziyà te gawas. Mibpeveelan din heini te menge pultahan he ebeyaan te edseled dutun te lama ne mibpeepizan din haazà te brunsi.

2 Cronica 4:9 교차 참조

1 Hadì 6:36

Mibpevaal zaan sikandin te lama zuen te valey te Nengazen. Neliǥuy heini te elavat he vinesbasan he menge vatu he is kada tetelu he apid duen mid-epizan te kayu he sidru.

1 Hadì 7:12

Is meluag he lama neliǥuy te elavat. Ne is kada tetelu he apid kayi te binesbasan he elavat he menge vatu mid-epizan te kayu he sidru. Ne iring daan kayi is kegkeveeli te menge elavat diyà te seled he lama zuen te valey te Nengazen wey is diyà te varkun din.

2 Hadì 21:5

Impelastar zin heini he menge pemuhatà diyà te zezuwa he lama zuen te valey te Nengazen ne egemiten haazà he menge pemuhatà te ked-azap te langun he merayag he egkengaahà diyà te langit.

2 Cronica 33:5

Impelastar zin heini he menge pemuhatà diyà te zezuwa he lama zuen te valey te Nengazen ne egemiten haazà he menge pemuhatà te ked-azap te langun he merayag he egkengaahà diyà te langit.

Exodus 27:9

“Kinahanglan he zuen lama zutun te Tulda he Ed-ezapan, elaza niw haazà pinaaǥi te kegkurtinahi zuen te linu. Is keluǥayad te kurtina he impelingut diyà te zivavà he kilid ne 150 he ǥiek.

Ezekiel 42:15

Hein nepasad duen te etew te edsukud sikan is baley te Nengazen, ne midume e zin diyà te ǥawas. Diyè key mebayà te veyeey he zapit te edsilaan, ne midsukud din is tivuuk he keluag duen te valey te Nengazen. Midsukud din duen te kayu he sukud din is bahin dutun he ziyà mezapit te edsilaan, ne 850 he ǥiek is keleyatan kayi.