2 Cronica 4:6 - Manobo Western Bukidnon OT

⁶ Mibpevaal zaan sikandin te sepulù he visin para ebpenhugasan te menge ibpemuhat he edtutungen. Diyà isavuk is lelima te zapit te zivavà ne is lelima ne zapit te zizaya. Ne haazà is wahig dutun te teleǥuey he egngezanan te Daǥat ne iyan egemiten te menge memumuhat te kebpenhugas dan te keugelingen dan.

2 Cronica 4:6 교차 참조

1 Hadì 7:38

Mibaal zaan si Huram te sepulù he bisin he menge brunsi, kada untuzà ne sevaha he bisin is para zuen. Ne heenem he ǥiek is ketikang te kada sevaha, ne egketeǥuan haazà te 220 he gelun he wahig.

1 Hadì 7:40

Mibpevaal zaan sikandin te menge diniyun, menge pala, wey menge yehung he egemiten te kebpemirikpirik. Nengepasad haazà ni Huram is langun he mibpeveelan kandin ni Hadì Solomon he para zutun te valey te Nengazen. Ne iyan heini mibeelan din:

2 Cronica 4:2

Mibpevaal zaan sikandin te zekelà he teleǥuey te wahig he henduen te kawà, he egngezanan te Daǥat. Is kezalem kayi pitu wey tengà he ǥiek, is keluaǥan kayi 15 he ǥiek, ne is sukud te peliǥuy kayi 45 he ǥiek.

Salmo 51:2

Lùlui nu is kegkezaat ku; lumpiyuwi a te menge salè ku.

Exodus 29:4

“Dumaha nu si Aaron wey sikan is menge anak din he maama ziyà te idselang pehendiyà te Tulda he Edtelevukaayan, ne ipepemeziǥù nu sikandan.

Exodus 30:17

Migkaǥi is Nengazen diyà te ki Moises te,

Ezekiel 40:38

Ne zuen ku naahà he ruǥu he zuen din gemawan, he avey te varkun te veyeey he zapit te zizaya. Dutun edlùlùi is menge pemuhat he edtutungen.

Leviticus 1:13

Kinahanglan he lùlui zuen te nemuhat is menge vahin he ziyà te seled te ǥetek wey is menge paa kayi. Ne iyan en haazà is memumuhat edtutung dutun te langun diyà te pemuhatà te pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.

Leviticus 1:9

Kinahanglan he lùlui duen te nemuhat is menge vahin he ziyà te seled te ǥetek wey is menge paa zuen te vaka. Ne kegkepasad, iyan en is memumuhat edtutung kayi te langun diyà te pemuhatà, iyan heini pemuhat he edtutungen. Is kehemut kayi he pemuhat te pinaaǥi te hapuy ne ebpekepenunuat te Nengazen.