2 Cronica 4:3 - Manobo Western Bukidnon OT

³ Diyà te malù egkezizalem te vèbà kayi mibpeliǥuyan te zezuwa he linya te menge zayandayan. Heini he menge zayandayan, henduen be te tudu he vaka, ne heenem dutun is diyà te teleǥuey. Ne haazà, inredsà is kebpurma zuen te kebeeli zutun te teleǥuey.

2 Cronica 4:3 교차 참조

2 Cronica 4:2

Mibpevaal zaan sikandin te zekelà he teleǥuey te wahig he henduen te kawà, he egngezanan te Daǥat. Is kezalem kayi pitu wey tengà he ǥiek, is keluaǥan kayi 15 he ǥiek, ne is sukud te peliǥuy kayi 45 he ǥiek.

2 Cronica 4:4

Haazà is teleǥuey in-untud diyà te peka te 12 he tudu he menge vaka he brunsi he ebpein-iniyuǥà. Is tetelu ziyà medsinaru te zizaya, is tetelu ziyà te edsenlepan, is tetelu ziyà te zivavà, is tetelu ziyà te edsilaan.

Ezekiel 1:10

Ne iyan heini kegkeveeli te zagwey zan: diyà te sineruwan, dagwey te etew; diyà te egkekewanan, dagwey te erimaung; diyà te egkeǥivang, dagwey te tudu he vaka; diyà te iniyuǥan, dagwey te kulaǥu.

Ezekiel 10:14

Is kada kirubin, duen din heepat he vuked. Is dagwey te egkehuna dagwey te kirubin, ne is dagwey te ikezuwa dagwey te etew, ne is dagwey te iketelu dagwey te erimaung, ne is ikeepat dagwey te kulaǥu.

Josue 6:3

Ne sikew wey is langun he menge sundaru nu ne liǥuya niw heeyan is inged te kesevaha kada andew, seled te heenem he andew.