2 Cronica 4:16 - Manobo Western Bukidnon OT

¹⁶ is menge diniyun, menge pala, menge zezekelà he menge tinidur he para te usa, wey zuma pa he menge ǥelemiten. Is langun kayi he menge vutang para zuen te valey te Nengazen, he mibeelan ni Huram para ki Hadì Solomon, ne pudu heini brunsi he impesinew.

2 Cronica 4:16 교차 참조

1 Hadì 7:45

is menge diniyun, menge pala, menge yehung, wey zuma pa he menge gelemiten. Is langun kayi he menge vutang he para zuen te valey te Nengazen, he mibeelan ni Huram para ki Hadì Solomon, ne pudu heini brunsi he impesinew.

2 Hadì 25:14

Migkuwa zan daan is menge karà, menge pala, menge penamped te pebilu, menge tasa, wey is duma pa he menge gelemiten he brunsi zutun te Baley te Nengazen.

1 Cronica 18:8

Migkuwa zin daan is mezakel he menge brunsi ziyà te Teba wey Cun, he menge sakup te inged ni Hadadezer. Heini he menge brunsi, ne migamit ni Solomon ne mibpeveelan din he teleǥuey te wahig he henduen be te kawà he egngezanan te Daǥat, wey menge tukud, wey menge gelemiten he brunsi he para egemiten duen te valey te Nengazen.

1 Cronica 28:17

te vulawan he menge tinidur he dezekelà; te menge yehung he vulawan wey pitsil; te vulawan wey pelata he menge pinggan,

2 Cronica 2:13

“Edsuǥuen ku ziyà te kenikew si Huram Abi, he sevaha te memetau he edterebahu.

2 Cronica 4:11

Mibpevaal zaan sikandin te menge diniyun, menge pala, wey menge yehung he egemiten te kebpemirikpirik. Nengepasad haazà is langun he mibpeveelan ni Solomon ki Huram he para zutun te valey te Megbevayà. Ne iyan heini mibeelan din:

2 Cronica 4:15

is teleǥuey te wahig he egngezanan te Daǥat wey sikan is untuzà kayi te teleǥuey he ledawan te sepulù wey zezuwa he tudu he menge vaka;

2 Cronica 4:17

Mibpeveelan heini ni Hadì Solomon pinaaǥi te selsalan diyà te Suǥud te Jordan, he ziyà te pid-elangan te Sucot wey Zaretan.

Exodus 27:3

Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge dezekelà he tinidur he para te usa, wey is menge selevukà te vaǥa.

Exodus 38:3

Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge zezekelà he tinidur he para te usa, wey is menge selevukà te vaǥa.