2 Cronica 26:8 - Manobo Western Bukidnon OT

⁸ Mibayad te vuhis is menge Amonihanen diyà te kandin, ne nevantug sikandin taman te Ehipto, tenged te mibmelig-en utew sikandin.

2 Cronica 26:8 교차 참조

Genesis 12:2

“Edhimuwen ku is menge kevuwazan nu he utew zekelà he nasyun. Ne edtuvazan ku sikew ne edhimuwen ku he utew mevantug is ngazan nu. Ne pinaaǥi zaan kenikew, edtuvazan ku is mezakel he menge etew.

Genesis 19:38

Mid-anak daan haazà is hazi, ne maama zaan is anak din, ne migngezanan din ki Ben Ami. Iyan sikandin kepuun te menge Amunihanen guntaan.

2 Samuel 8:13

Utew nevantug si David te kegkepetaya zin duen te 18,000 he menge Edomanhen diyà te menge suǥud he egngezanan te Timus.

2 Samuel 8:2

Nezaag daan ni David is menge Moabitanhen. Impehizeǥè din sikandan diyà te tanà he impelinya ne midsukud din te pisì. Ne is neseled te kada zezuwa he sukud te pisì ne mibpenhimetayan, ne is nengesakup te iketelu he sukud te pisì ne wazà penhimetayi. Is duma he menge Moabitanhen he wazà himetayi, ne midsakup ni David ne impevayad din sikandan te vuhis diyà te kandin.

1 Hadì 4:31

Iyan sikandin kinemeteuwan te langun. Edhuna pa sikandin he metau ki Etan he Ezranhon, wey te menge anak ni Mahol he ensi Heman, Calcol, wey si Darda. Ne nevantug sikandin diyà te nekeelingkus he menge nasyun.

1 Cronica 14:17

Ne tenged kayi nevantug si David diyà te minsan hendei ne mibpengelinteuwan te Nengazen he mengehandek kandin is langun he menge nasyun.

2 Cronica 17:11

Is duma he menge Filistihanen ne mid-uwitan dan si Jehoshafat te menge gasa wey pelata he ibuhis dan. Ne zuen daan menge tig-Arabia he mid-uwit diyà te kandin te 7,700 he menge kerehidu wey 7,700 he menge kambing.

2 Cronica 20:1

Neuma is timpu he migenat is menge Moabitanhen wey menge Amonihanen, duma zan is duma he menge Meunhanen su ebpekidtebek dan ki Jehoshafat.

2 Cronica 26:9

Midlig-enan pa utew ni Uzia is Jerusalem pinaaǥi te kedtukuza te menge turi ziyà te Pultahan diyà te Suyuk, kes Pultahan he Ebpekesinaru ziyà te Suǥud-suǥud, wey nepekùan duen te verengbeng.

2 Cronica 27:5

Mibpekidtebek si Jotam te menge Amonihanen wey te hadì dan, ne nezaag din sikandan. Te haazà he tuig ne mibeǥayan sikandin te menge Amonihanen te menge 3,500 he kilu he pelata, 30,000 he saku he trigu, wey 30,000 he saku he barli. Midhimu zan heini taman te iketelu he tuig.

Deuteronomio 2:19

Ne emun ebpekeuma kew en diyà te menge Amunihanen, he menge kevuwazan ni Lot, kenè niw sikandan semuka wey tebeka su heeyan is tanè dan ne imbeǥey ku kandan, ne kenè ku sikiyu ebeǥayan te tanè dan minsan deisey.’

1 Samuel 11:1

Si Nahash he iyan hadì te menge Amunihanen, midhendiyà te inged he Jabesh Gilead duma is menge sundaru zin ne midlingutan dan su edsurungen dan. Migkaǥi ziyà te kandin is menge meǥinged dutun te, “Baal ka te kesebutan tew, ne ebpesakup key kenikew.”