2 Cronica 22:12 - Manobo Western Bukidnon OT

¹² Seled te heenem he tuig, ne ziyà i-eles te valey te Megbevayà si Joash te iyan pa zutun ebmandù te Juda si Atalia he rayna.

2 Cronica 22:12 교차 참조

2 Cronica 22:11

Piru midlibri ni Jehosheba is anak ni Ahazia he si Joash hein meǥaan en edhimetayi sikandin wey is duma pa he menge anak te hadì. Heini si Jehosheba etevey ni Ahazia he anak he vahi ni Hadì Jehoram, he esawa te memumuhat he si Jehoyada. In-eles din si Joash wey is ed-elima kandin diyà te sevaha he ruǥu zuen te valey te Nengazen, umbe wazà sikandin mehimetayi ni Atalia.

2 Cronica 23:1

Hein ikepitu en he tuig, ne midwaleng en si Jehoyada. Mibpekid-upakat sikandin te lelima he peremandar te menge ginatus he sundaru he iyan si Azaria he anak ni Jehoram, si Ishmael he anak ni Jehohanan, si Azaria he anak ni Obed, si Maasea he anak ni Adaya, wey si Elisafat he anak ni Zicri.

Salmo 12:8

Su nekeelingkus kenami is lalung he menge etew ne edeliǥen pa te kezekelan is kelelalung dan.

Salmo 27:5

Emun timpu te kesamuk id-eles e zin wey edhimu sikandin te paaǥi wey a kenà memenu zutun te valey zin. Diyè e zin ibpehulenà te lugar he kenà a zuen egkekeizan.

Salmo 73:14

Layun a kenikew ibpaantus, Megbevayè ku; hapit kada meselem is kedsiluti nu kedì.

Erubasa 28:28

Emun lalung is egkehimu he edumala edliyasen is menge etew. Piru emun ebpematey haazà is menge lalung, ne iyan en maan edumala is menge metazeng.

Jeremias 12:1

He Nengazen, layun hustu is kukuman nu emun edriklamu a ziyà te kenikew. Ne ǥuntaan ed-insà a mehitenged te hustu he kukuman nu: Maan is ed-uswag is menge lalung? Maan is dezeyaan is ked-ubpà te menge etew he midluib kenikew?

Habakuk 1:12

Migkaǥi si Habakuk te, “He Nengazen, Megbevayè ka puun te nehuna. Iyan ka waǥas he Megbevayè ku ne wazè nu kemetayen. He Nengazen he iring te endilungà he vatu, mibpilì nu is menge tig-Babilonia te kedsilut kenami.