2 Cronica 22:1 - Manobo Western Bukidnon OT

¹ Si Ahazia is kineheziyan he anak ni Jehoram ne iyan midhimu te menge etew ziyà te Jerusalem he hadì dan. Su is duma he menge anak ni Jehoram ne mibpenhimetayan te menge Arabo he nemenurung diyà te Juda. Umbe iyan nehimu he hadì diyà te Juda si Ahazia he anak ni Hadì Jehoram.

2 Cronica 22:1 교차 참조

2 Hadì 10:13

neehè din is menge kezuzumahi ni Hadì Ahazia he hadì te Juda. Mid-insà sikandin te, “Hentei kew?” Midtavak dan te, “Menge kezumahan key ni Ahazia ne midhipanew key su ebpengemustahan dey is menge kevuwazan ni Hadì Ahab wey si Rayna Jezebel.”

2 Hadì 8:16

Nehimu he hadì diyà te Juda si Jehoram he anak ni Jehoshafat hein ikelima he tuig te kedhadì ni Joram diyà te Israel te anak ni Ahab.

2 Hadì 9:1

Impetawag ni Elisha is sevaha he etew he sakup te grupu te menge ebpeneuven ne migkeǥiyan din te, “Pengandam ka te kedhendiyà te Ramot Gilead ne uwita nu heini is tivud te lana.

1 Cronica 3:11

Jehoram, Ahazia, Joash,

2 Cronica 22:2

Mibpenuiǥen si Ahazia te 22 he tuig hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te senge-tuig. Is iney zin iyan si Atalia he apù ni Omri.

2 Cronica 23:3

midhendiyè dan te valey te Megbevayà, ne nekid-uyun sikandan ki Joash he anak te hadì. Migkeǥiyan ni Jehoyada is menge etew te, “Iyan en heini timpu he edhadì is anak te hadì, sumalà te insaad te Nengazen he layun duen kevuwazan ni David he edhadì.

2 Cronica 25:23

Nezekepan ni Hadì Jehoash si Hadì Amazia diyà te Bet Shemesh, ne miduma zin sikandin diyà te Jerusalem. Ne zutun mibengkag ni Jehoash is menge verengbeng te Jerusalem puun te Pultahan te Efraim pehendiyà te Pultahan diyà te Suyuk, he 600 he ǥiek is keluǥayad din.

2 Cronica 26:1

Is in-ilis te keet-etawan te Juda ki Amazia te kedhadì ne iyan is anak din he si Uzia he ebpenuiǥen te 16 he tuig.

2 Cronica 33:25

Piru pudu midhimetayi te menge etew ziyà te Juda sikan is midhimatey ki Hadì Amon. Ne iyan in-ilis dan he hadì is anak ni Amon he si Josia.

2 Cronica 36:1

Is anak ni Josia he si Jehoahaz iyan in-ilis te menge etew te kedhadì diyà te Jerusalem.