2 Cronica 21:3 - Manobo Western Bukidnon OT

³ Mibeǥayan sikandan ni Jehoshafat te mezakel he menge gasa he pelata wey vulawan, mahalen he menge azen, wey menge vinerengbeng he menge inged diyà te Juda. Piru iyan din impeilis kandin si Jehoram te kedhadì su iyan man kinekekayan.

2 Cronica 21:3 교차 참조

Genesis 25:6

Piru te wazè pa mebpatey si Abraham, duen daan impemeǥey zin diyà te menge anak din he maama he anak te zuma he menge esawa zin, ne ziyè din sikandan ipeubpà te tanà he zapit te edsilaan, he meziyù te anak din si Isaac.

2 Cronica 11:23

Nezumahan te ketau is kebeǥayi ni Rehoboam te zuma he menge anak din te menge ketengdanan. Is duma pa he menge anak din, impezumala zin te vinerengbeng he menge inged te Juda wey Benjamin. Ne mibeǥayan din sikandan te menge kinehenglanen dan wey mezakel he menge esawa.

2 Cronica 11:5

Wazà med-awà si Rehoboam diyà te Jerusalem ne midlig-enan din heini is menge inged para kenà meselezi is Juda:

Ezekiel 46:16

Mibpedayun pa megkaǥi is Nengazen he MEGBEVAYÀ te, “Emun ebeǥey ziyà te sevaha te menge anak din is pengulu, te tanà he ebpuun diyà te nepengevilin din, heeyan he tanà iyan dà ebpekaangken duen is menge kevuwazan din taman te taman.