2 Cronica 2:6 - Manobo Western Bukidnon OT

⁶ Piru hentei is ebpekehimu he edtukud te valey he para kandin? Su kenà ganì sikandin ed-ereg diyà te langit, minsan diyà te pinekemetikang he vahin te langit. Umbe kenà a zait he ebpekepehitindeg te valey te Nengazen. Is edtukuzen ku zà ne iyan dà is lugar he zutun edtutunga is menge pemuhat diyà te etuvangan din.

2 Cronica 2:6 교차 참조

2 Samuel 7:18

Dutun midseled si Hadì David dutun te Tulda he zutun kes Kavan te Kebpekid-uyun. Ne mibpinuu sikandin diyà te etuvangan te Nengazen ne mibpengemuyù te, “He Nengazen he MEGBEVAYÀ, hentei e ves wey is pemilya ku maan is midtuvazan a kenikew te iring kayi?

1 Hadì 7:13

Duen pandey he tig-Tyre he egngezanan ki Huram. Impesinuǥung si kandin ni Hadì Solomon

1 Hadì 7:14

su utew sikandin metau he pandey te menge putew. Anak sikandin te valu he vahi he ebpuun diyà te tribu ni Naftali, ne tig-Tyre is amey zin, he menenalsal zaan te menge putew. Midhendiyà si Huram te ki Hadì Solomon ne mibeelan din is langun he impeveelan kandin.

1 Hadì 8:27

“Piru, sikew, Megbevayà, tutuu ve iyan he ebpekeubpè ka kayi te tanà? Minsan is langit ne kenè ka ganì ed-ereg minsan diyà te pinekemetikang he vahin kayi, kayi ke pe be vuwa med-ereg te valey he midtukud ku?

1 Cronica 22:15

Mezakel is egkekuwa nu he ibpemeterebahu nu: duen ebpemasbas te vatu, menge tigsimintu, menge pandey, wey mezakel pa he menge etew he zuen menge netuenan te minsan hengkey he kedterebehuwa,

1 Cronica 29:14

Piru hentei key, siak wey is keet-etawan ku, he ebpekeveǥey key te utew subra he iring kayi? Langun he menge vutang ne ziyà ebpuun te kenikew, ne ibeǥey zey kenikew is ebpuun ded kenikew.

2 Cronica 1:10

Beǥayi a te ketau wey keuluwanen wey ku mezumala heini he keet-etawan. Su hentei zà buwa etawa is ebpekehimu he edumala kayi te utew mezakel he keet-etawan nu?”

2 Cronica 6:18

“Piru, sikew, Megbevayà, tutuu ve iyan he ebpekeubpè ka kayi te tanà duma te menge etew? Minsan is langit ne kenè ka ganì ed-ereg minsan diyà te pinekemetikang he vahin kayi, kayi ke pe be vuwa med-ereg te valey he midtukud ku?

Exodus 3:11

Iyan, migkaǥi si Moises diyà te Megbevayà te, “Siak, utew minus is pid-etawan ku; kenà a zait he edhendiyà te hadì wey ebpengulu te menge Israilihanen te kegawas puun te Ehipto.”

Exodus 31:5

te kebpurma te mahalen he menge vatu he ibpemikit, kegkurti te kayu, wey kebaal te zuma he edeyzeyanan he terebahu.

Isaias 66:1

Iyan heini egkeǥiyen te Nengazen: “Is langit iyan pinuuwè ku te edhadì, ne is tanà iyan ebpeuntuzan ku te menge paa ku. Egkehimu ve ke edtukuzan a keniyu te valey? Egkehimu ve ke ebeǥayan a keniyu te lugar he egkehimelayan ku?

Jeremias 23:24

Wazà etew he ebpekeeles diyà te meeles he lugar he kenè ku egkaahà. Wazè niw ve metueni he ziyà a te minsan hendei ziyà te langit wey ziyà te tanà? Iyan a, is Nengazen, is migkaǥi kayi.

Deuteronomio 12:11

Kinahanglan he ed-uwiten niw is menge pemuhat niw ziyà te lugar he ebpilien te Nengazen he Megbevayè niw he zutun sikandin ebeǥayi te zengeg. Iyan heini menge pemuhat wey menge halad he ibpahalad ku keniyu: menge pemuhat he edtutungen wey zuma pa he menge pemuhat, is ikepulù niw, is ispisyal he menge gasa niw, wey is langun he kineupiyahan he menge halad he impenaad niw ziyà te Nengazen.

Deuteronomio 12:14

kekenà, diyè niw zà ipemuhat te lugar he ǥaked te sevaha he tribu niw he ebpilien te Nengazen, ne zutun niw veeli is langun he idsuǥù ku keniyu.

Deuteronomio 12:26

“Uwita niw ziyà te lugar he ebpilien te Nengazen is segradu he menge pemuhat wey is halad he insaad niw ziyà te kandin.