2 Cronica 2:5 - Manobo Western Bukidnon OT

⁵ “Dekelà he valey te Nengazen is edtukuzen ku, su utew mekeǥeǥehem is Megbevayè dey kenà te zuma he ed-ezapen.

2 Cronica 2:5 교차 참조

1 Hadì 8:27

“Piru, sikew, Megbevayà, tutuu ve iyan he ebpekeubpè ka kayi te tanà? Minsan is langit ne kenè ka ganì ed-ereg minsan diyà te pinekemetikang he vahin kayi, kayi ke pe be vuwa med-ereg te valey he midtukud ku?

1 Hadì 9:8

Ne minsan pa te mekempet wey nevantug heini is baley ku, ne edrundusen ku heini. Egketingkemed wey egkengeinuinu is langun he edsaǥad kayi, ne egkaǥi zan is ed-undaunda te, ‘Maan is mibeelan heini te Nengazen kayi he tanà wey kayi te valey zin?’

1 Cronica 16:25

Su mekeǥeǥehem is Nengazen, ne ereg sikandin he edeliǥen. Dait sikandin he edtehuzen lavew te langun he zuma he menge ed-ezapen,

1 Cronica 29:1

Ne migkeǥiyan ni Hadì David is langun he menge Israilihanen te, “Si Solomon he anak ku he mibpilì te Megbevayà, betan-en pa ne wazè din pa kesinetian. Dekelà is buluhaten, su is edtukuzen he vilding ne kenà para te etew, kekenà, para te Nengazen he Megbevayà.

1 Cronica 29:14

Piru hentei key, siak wey is keet-etawan ku, he ebpekeveǥey key te utew subra he iring kayi? Langun he menge vutang ne ziyà ebpuun te kenikew, ne ibeǥey zey kenikew is ebpuun ded kenikew.

2 Cronica 2:9

te ked-andam te mezakel he menge kayu, su utew zekelà wey mekempet is baley te Nengazen he edtukuzen ku.

2 Cronica 29:11

Umbe, sikiyu is menge minahal ku, ne kenè kew en mebpesagdan. Iyan kew mibpilì te Nengazen he ibpehitindeg diyà te etuvangan din, te kebpenilbi wey kebpemuhat,” ke si Hezekia.

2 Cronica 6:18

“Piru, sikew, Megbevayà, tutuu ve iyan he ebpekeubpè ka kayi te tanà duma te menge etew? Minsan is langit ne kenè ka ganì ed-ereg minsan diyà te pinekemetikang he vahin kayi, kayi ke pe be vuwa med-ereg te valey he midtukud ku?

Salmo 135:5

Netuenan ku he mekeǥeǥehem is Nengazen, he lavew te langun he zuma he menge ed-ezapen.

Salmo 145:3

Mekeǥeǥehem ka he Nengazen, umbe ereg ka he edeliǥen. Kenà egketegkad is kegkemekeǥeǥehem nu.

Salmo 148:4

Deliǥa niw sikandin, kinetikangan he langit wey is wahig diyà te zivavew.

Exodus 15:11

Wazà ed-ezapen te menge etew he ebpekerepeng kenikew, Nengazen. Wazà ebpekerepeng kenikew te kegkewaǥas nu wey kegkemekeǥeǥehem. Iyan ke zà Megbevayà he mibaal te egkein-inuwan he menge vaal!

Exodus 18:11

Guntaan, netuenan ku en he utew lavew he gemhanan is Nengazen kenà te langun he ed-ezapen, su midlibri zin is menge Israilihanen te kedèdaaǥa kandan te menge Ehiptohanen.”

Isaias 66:1

Iyan heini egkeǥiyen te Nengazen: “Is langit iyan pinuuwè ku te edhadì, ne is tanà iyan ebpeuntuzan ku te menge paa ku. Egkehimu ve ke edtukuzan a keniyu te valey? Egkehimu ve ke ebeǥayan a keniyu te lugar he egkehimelayan ku?

Jeremias 10:6

He Nengazen, wazà iring kenikew. Mekeǥeǥehem ka ne utew lavew is ngazan nu.

Ezekiel 7:20

Impegalbu zan is mekempet he menge elahas dan, ne migamit dan heini wey zan mekavaal te ledawan te utew mezaat he menge ed-ezapen dan. Umbe edhimuwen ku is menge ketiǥeyunan dan he iring te meremerik he menge vutang para kandan.