2 Cronica 2:1 - Manobo Western Bukidnon OT

¹ Dutun he timpu, insuǥù ni Solomon is kedtukuza te valey te Nengazen para te zengeg te Nengazen wey kedtukuza te turuǥan he para te keugelingen din.

2 Cronica 2:1 교차 참조

1 Hadì 5:15

Ne 70,000 is menge etew ni Solomon he perehakut te menge idhiman, ne 80,000 is perevasbas te menge vatu ziyà te vuntud.

1 Hadì 5:5

Umbe, egkeisip ku he ebangun ad te valey te Nengazen he para te kebeǥey kandin te zengeg te Nengazen he Megbevayè ku, sumalà is nekaǥi te Nengazen diyà te amey ku he si David. Iyan heini migkaǥi zin diyà te ki David: ‘Is anak nu he idliwan ku kenikew te kedhadì, iyan ibpevangun ku te valey he para kediey.’

1 Hadì 7:1

Mibangun daan si Solomon te turuǥan din, ne 13 he tuig is kebenguna kayi.

1 Hadì 8:18

Piru migkaǥi is Nengazen diyà te kandin te, ‘Meupiya su egkesuat ka he ebangun te valey he para te zengeg ku.

1 Hadì 8:20

“Ne midtuman en te Nengazen is insaad din. Iyan a nekeilis te amey ku he hadì te Israel, su iyan heini insaad te Nengazen. Ne mibangun ku is baley he para te kebeǥey te zengeg te Nengazen he Megbevayà te Israel.

1 Hadì 9:1

Nepasad ni Solomon is kebangun duen te valey te Nengazen wey te turuǥan din, ragkes is duma he mibpelenuwan din te ebaal.

1 Cronica 22:10

Iyan sikandin edtukud dutun te valey ku para te kegkeveyawa te ngazan ku. Edhimuwen ku sikandin he anak ku, ne egkehimu a zaan he amey zin. Ne is menge kevuwazan din ne egkehimu he hadì te Israel te wazè en pidtemanan.’

2 Cronica 1:17

Dutun he timpu is bali te kerwahi he ebpuun diyà te Ehipto ne 600 he vuuk he pelata, ne is kudà 150 he vuuk he pelata. Ne imbelegyà heini te menge etew ni Solomon diyà te langun he menge hadì te menge Hitihanen wey te menge Aramihanen.

2 Cronica 2:12

Edeliǥen is Nengazen he Megbevayà te Israel he midlimbag te langit wey kelibutan! Mibeǥayan din si Hadì David te uluwanen he anak, he nepenù te keuluwanen wey kedsavut, he edtukud te valey te Nengazen wey turuǥan he para te keugelingen din.”

Deuteronomio 12:11

Kinahanglan he ed-uwiten niw is menge pemuhat niw ziyà te lugar he ebpilien te Nengazen he Megbevayè niw he zutun sikandin ebeǥayi te zengeg. Iyan heini menge pemuhat wey menge halad he ibpahalad ku keniyu: menge pemuhat he edtutungen wey zuma pa he menge pemuhat, is ikepulù niw, is ispisyal he menge gasa niw, wey is langun he kineupiyahan he menge halad he impenaad niw ziyà te Nengazen.

Deuteronomio 12:5

kekenà, dangep kew ziyà te Nengazen he Megbevayè niw ziyà te lugar he ebpilien din, ke hengkey he tribu is teǥiǥaked duen kayi te langun he menge tribu te Israel. Ne zutun niw ezapa is Nengazen su iyan haazà lugar he mibpilì din he zutun sikandin ebeǥayi te zengeg.

Deuteronomio 28:58

“Emun kenè niw ebpurungan te edtuman heini is langun he suǥù he ingkesurat kayi te libru, wey kenè niw edtehuzen is lavew wey egkein-inuwan he ngazan te Nengazen he Megbevayè niw,