2 Cronica 19:3 - Manobo Western Bukidnon OT

³ Piru zuen ded meupiya he naahà diyà te kenikew. Impepen-awè nu kayi te Juda is menge tukud he simbulu te vahi he ed-ezapen he si Asera su iyan nu egkesuatan is kedangep te Megbevayà.”

2 Cronica 19:3 교차 참조

1 Hadì 14:13

Edlalew kandin is langun he tig-Israel, ne idleveng sikandin. Iyan dà sikandin sakup te pemilya ni Jeroboam he egkepurungan is kedlevenga zuen, su iyan dà sikandin sakup te pemilya ni Jeroboam he nekepenunuat te Nengazen he Megbevayà te Israel.

2 Cronica 11:16

Is menge Israilihanen diyà te zuma he tribu te Israel he egkesuat he edangep diyà te Nengazen he Megbevayà te Israel, ne nenelukun te menge kevuwazan ni Levi ziyà te Jerusalem, su para mekepemuhat dan te menge pemuhat diyà te Nengazen, he Megbevayà te menge kepuun dan.

2 Cronica 12:12

Tenged te impekevavà ni Rehoboam is keugelingen din, naawà is kegkepeuki kandin te Nengazen, ne wazè ded sikandin mepurung mezeeti. Ne zuen ded keupiyaanan diyà te Juda.

2 Cronica 12:14

Mibaal si Rehoboam te mezaat tenged te wazè din isipa is kedangep diyà te Nengazen.

2 Cronica 15:12

Neuyunan dan he edangep dan diyà te Nengazen, he Megbevayà te menge kepuun dan, te tivuuk he ǥehinawa zan wey kedsavut.

2 Cronica 15:15

Utew nengelipey is langun he tig-Juda su nekevaal zan te kebpenaad he ebpuun te ǥehinawa zan. Ne utew meheǥet is gehinawa zan te kedangep te Nengazen, ne neehè dan is keupiya zin. Ne mibeǥayan din sikandan te kelinew su wazè dan mekepekidtebek te menge kuntada zan diyà te peliǥuy.

2 Cronica 20:3

Utew nahandek si Jehoshafat, ne midangep sikandin diyà te Nengazen. Ne mibmandù sikandin he mebpuasa is langun he tig-Juda.

2 Cronica 20:33

Piru wazè din ewaa is langun he menge simbahan diyà te menge metikang he lugar, ne is menge etew, wazè dan gihapun mebpurung medsunud te Megbevayà te menge kepuun dan.

2 Cronica 22:9

Ne impepen-ahà ni Jehu te menge sakup din si Ahazia ne ziyè dan maahà te inged he Samaria is mid-eles. Ne mid-uwit dan sikandin diyà te ki Jehu ne midhimetayan din. Ne inleveng dan is minatey he lawa zin tenged te kedtehuza zan te apù din he si Jehoshafat, su ke sikandan te, “Apù sikandin ni Jehoshafat, kes etew he midangep te Nengazen te tivuuk he ǥehinawa zin.” Ne zutun wazè en minsan sevaha he nesamà te sakup te pemilya ni Ahazia he ereg he egkahadì.

2 Cronica 27:6

Mibmelig-en pa utew si Jotam tenged te midsunud sikandin he metinumanen te Nengazen he Megbevayè din.

2 Cronica 30:19

he nenganduy te kedangep diyà te kenikew, te Megbevayà te menge kepuun din, minsan pa ke kenà sikandin lumpiyu sumalà te sulunuzen diyà te valey te Nengazen!”

Ezra 7:10

Midtevangan sikandin te Megbevayà su ǥeina te impehinungud din is keugelingen din pinaaǥi te ked-istudyu wey kedtuman te Kesuǥuan te Nengazen, wey kebpenurù te menge sulunuzen wey menge suǥù din diyà te menge Israilihanen.

Salmo 57:7

Edsarig a ziyà te kenikew Megbevayè ku. Egkanta a te kanta he idalig kenikew.

1 Samuel 7:3

Migkeǥiyan sikandan ni Samuel te, “Emun tutuu is kedlikù niw ziyà te Nengazen, itimbag niw heeyan is menge ed-ezapen niw apil heeyan is ledawan ni Ashtoret, ne pevayàbayè kew te Nengazen ne iyan dà sikandin silbiyi niw. Emun ebeelan niw heini ne edluwasen kew zin dutun te menge Filistihanen.”