2 Cronica 17:1 - Manobo Western Bukidnon OT

¹ Ne is nekeilis ki Asa te kedhadì ne iyan is anak din he si Jehoshafat. Midlig-enan ni Jehoshafat is ginhedian din su para mekesukul sikandin te Israel.

2 Cronica 17:1 교차 참조

1 Hadì 15:24

Ne hein minatey en sikandin inleveng diyà te midlevengan te menge kepuun din diyà te inged te kepuun din he si David. Ne si Jehoshafat he anak din iyan nekeilis kandin te kedhadì.

1 Hadì 22:41

Nehimu he hadì diyà te Juda si Jehoshafat he anak ni Asa hein ikeepat he tuig te kedhadì ni Ahab diyà te Israel.

2 Hadì 1:17

Umbe, minatey si Ahazia sumalà is nekaǥi te Nengazen pinaaǥi ki Elias. Ne ǥeina te wazè din anak he maama he ebpekeilis kandin, ne iyan si Joram he suled din nekeilis kandin te kedhadì. Mibpuun sikandin medhadì hein ikezuwa he tuig te kedhadì ni Jehoram he anak he maama ni Hadì Jehoshafat he hadì te Juda.

1 Cronica 11:10

Iyan heini menge pengulu te menge sakup ni David he menge mevurut. Sikandan wey is langun he menge Israilihanen midsupurtar te kedhadì ni David, sumalà is insaad te Nengazen mehitenged te Israel.

2 Cronica 12:1

Hein melig-en en is kedhadì ni Rehoboam wey gemhanan en sikandin, mid-iniyuǥan din en is kesuǥuan te Nengazen ne mid-iring kandin is tivuuk he menge Israilihanen.

2 Cronica 17:2

Mibpepelestaran din te menge sundaru is langun he vinerengbeng he menge inged te Juda, ne midtukuzan din te menge kampu te menge sundaru is Juda wey is menge inged te Efraim he naaǥew te amey zin he si Asa.

2 Cronica 26:8

Mibayad te vuhis is menge Amonihanen diyà te kandin, ne nevantug sikandin taman te Ehipto, tenged te mibmelig-en utew sikandin.

2 Cronica 32:5

Ne mid-umanan pa ni Hezekia is kelig-en te menge pengalang din pinaaǥi te kebpepurungi zin te menge verengbeng wey kebpehitindeg te menge turi. Mid-umanan din peliǥuwi te verengbeng is inged diyà te gawas duen te nehuna he verengbeng, ne mibpetembuan din is mevavà he vahin dutun te Inged ni David. Mibpevaal zaan sikandin te mezakel he menge ǥumaan wey menge kelasag.

Ezekiel 7:27

Edlalew is hadì wey egkaawà is perateng din, ne egkerkeren is menge etew tenged te kegkahandek. Edsilutan ku sikandan sumalà te vineelan dan, ne ebeelan ku ziyà te kandan is mibeelan dan diyà te zuma. Ne egketuenan dan dutun he iyan a Nengazen.”

1 Samuel 23:16

Midhendiyà si Jonatan te kandin diyà te Horesh su midasiǥ din he edtevangan sikandin te Megbevayà.