2 Cronica 16:4 - Manobo Western Bukidnon OT

⁴ Mibpezumdumahan ni Ben Hadad is hangyù ni Hadì Asa, ne midsuǥù din is menge peremandar te menge sundaru zin he surunga zan is menge inged te Israel. Naaǥew zan is Ion, Dan, Abel, Maim, wey langun he menge inged te Naftali he zutun is menge budiga.

2 Cronica 16:4 교차 참조

Genesis 14:14

Ne hein nezineg ni Abram he nevihag is enaken din, midtiǥum din is 318 he sakup din he egkeseriǥan din. Heini sikandan, menge sakup din puun pa te ked-enaka kandan, ne miduma zin sikandan, ne midal-as dan sikan is heepat he hadì taman te inged he Dan.

1 Hadì 15:20

Mibpezumdumahan ni Ben Hadad is hangyù ni Hadì Asa, ne midsuǥù din is menge peremandar te menge sundaru zin he surunga zan is menge inged te Israel. Naaǥew zan is Ion, Dan, Abel Bet Maaca, is tivuuk he Kineret, wey is tivuuk he Naftali.

1 Hadì 9:19

wey is langun he menge inged he zutun is menge budiga zin, menge kerwahi wey menge kudè din. Midtukud din is langun he egkesuatan din te edtukud diyà te Jerusalem, Lebanon wey te langun he nesakup din he tanà.

2 Hadì 16:9

Mibpezumazuma haazà is hadì te Asiria te hangyù ni Ahaz, umbe midsurung din is Damascus ne mid-aǥew zin heini. Miduma zin is menge meǥinged dutun diyà te Kir su mibihag din, ne midhimetayan din si Rezin.

2 Cronica 16:3

“Ed-uyun ki he ebpelevanè ki, iring te mibeelan te amey ku wey amey nu. Ne zewata nu heini is ibeǥey ku kenikew he pelata wey vulawan, ne edhangyù a ziyà te kenikew he engkezi nu en is kedlavan nu ki Hadì Baasha ziyà te Israel su para mevey-ani e zin en.”

2 Cronica 16:5

Hein netuenan haazà ni Baasha, ne mibpeengkezan din is kedlig-eni te Rama.

2 Cronica 17:12

Umbe, mibmelig-en utew si Jehoshafat. Umbe mibpehitindeg sikandin diyà te Juda te melig-en he menge kutà wey menge inged he para te menge budiga.

2 Cronica 8:6

Iyan daan heini mibeelan din diyà te Baalat wey te zuma pa he menge inged he zutun is menge budiga zin, menge kerwahi wey menge kudè din. Midtukud din is langun he egkesuatan din te edtukud diyà te Jerusalem, Lebanon wey te langun he tanà he sakup din.

Exodus 1:11

Umbe, duen menge upisyal he midseriǥan te kedlisliseza te menge kevuwazan ni Israel pinaaǥi te kebpeterebehuwa kandan te utew subra, ne zutun netukud dan is menge inged he iyan is Pitom wey Rameses he zutun is menge budiga te hadì te Ehipto.

Isaias 9:1

Piru egkeuma is timpu he egkaawè en is merusirem dutun he tanà te zutun is kemereǥenan. Dutun te nehuna he timpu mibpeel-elezan te Nengazen is menge etew ziyà te Zebulun wey Naftali, piru ziyà te huziyan he timpu, ebeǥayan din sikandan te zengeg is menge etew he ed-ubpà diyà te veyeey pehendiyà te zaǥat he ziyà layun te Wahig he Jordan. Heini he menge lugar sakup te Galilea he ed-ubpaan te kenà menge Judio.

Zatù 20:1

Is langun he menge Israilihanen puun te Dan pehendiyà te Beersheba, wey puun te Gilead, midtiǥum diyà te Mizpa, diyà te etuvangan te Nengazen.