2 Cronica 12:3 - Manobo Western Bukidnon OT

³ Nenurung si Shishak duma te 1,200 he kerwahi, 60,000 he menge pereuntud te kudà, wey utew mahabet he menge sundaru, he is duma kandan ebpuun diyà te Libya, Sukot, wey Etiopia.

2 Cronica 12:3 교차 참조

2 Samuel 10:18

Piru nepeleǥuyan te menge Aramihanen is menge Israilihanen. Ne 700 he ebpemen-untud te kerwahi is nengepatey eni David wey 40,000 he pereuntud te kudà. Nepatey zan daan si Shobac, is peremandar te menge sundaru.

2 Hadì 7:6

Su impezineg te Nengazen is menge sundaru he menge Aramihanen te keǥurub te menge kerwahi, menge kudà, wey mahabet he menge sundaru, umbe kunaan duen te menge Aramihanen ke midsuhulan te hadì te Israel is hadì te menge Hitihanen wey is hadì te menge Ehiptohanen te kedsurung kandan.

2 Cronica 14:12

Umbe, midaag te Nengazen is menge tig-Etiopia dutun te etuvangan ni Asa wey te menge tig-Juda. Mibpemelaǥuy is menge tig-Etiopia.

2 Cronica 14:8

Duen 300,000 he menge sundaru ni Asa he menge tig-Juda, he nehimanan te zezekelà he menge kelasag wey menge vangkew. Wey zuen din daan menge sundaru he 280,000 he tig-Benjamin he nehimanan te menge zezeisek he menge kelasag wey menge panà. Ne pudu heini sikandan menge memetau he menge sundaru.

2 Cronica 14:9

Midhipanew si Zera he tig-Etiopia duma is mezakel utew he menge sundaru wey 300 he menge kerwahi su edsurung dan diyà te Juda. Nekeuma zan diyà te Maresha,

2 Cronica 16:8

Egketenuzan nu ve ke hengkey is neulaula te menge tig-Etiopia wey tig-Libya, he is menge sundaru zan, menge kerwahi zan wey menge pereuntud dan te menge kudà he utew mezakel? Dutun he timpu ne midsarig ka te Nengazen, ne impezaag din sikandan keniyu.

Isaias 43:3

Su iyan a, is Nengazen Megbevayè nu, he Waǥas he Megbevayà te Israel, ne iyan a menluluwas nu. Ibeǥey ku ziyà te zuma he nasyun is Ehipto, Etiopia wey Seba he ilis kenikew.

Ezekiel 30:5

Kayi he tebek, ebpematey is menge tig-Etiopia, tig-Put, tig-Lydia, tig-Arabia, tig-Libya, wey is diyà te zuma he menge nasyun he nekidsevaha te Ehipto.

Daniel 11:43

Egkaangken din is menge vulawan, menge pelata, wey is langun he azen diyà te Ehipto. Ragkes te edsekupen din is Libya wey Etiopia.

Nahum 3:9

Is Etiopia wey is tivuuk he Ehipto, iyan nehimu he zesen te Tebes, ne kunaan din ke ebpedayun heini taman te taman. Is Put wey is Libya, kezapig din heini he menge nasyun.

Zatù 4:13

Umbe, midtiǥum ni Sisera sikan is 900 he menge kerwahi zin he menge putew, wey is langun he menge sundaru zin. Ne migenat dan puun te Haroshet Hagoyim pehendiyà te zal-ug te Kishon.

Zatù 6:5

Ebpekeuma zan he ed-uwit te menge tulda zan wey menge uyaǥen dan. Kenà egkevilang is kahabet dan ragkes is menge kemilyu zan. Ne nekeveǥey sikandan te kezeetan diyà te tanà te menge Israilihanen.

1 Samuel 13:5

Nengandam is menge Filistihanen te kebpekidtebek te Israilihanen. Duen dan 3,000 he kerwahi, 6,000 he menge pereuntud te kudà, wey utew mezakel he menge sundaru, su iring dan te pantad diyà te veyvey te zaǥat. Midhendiyè dan te Micmash, he zapit te edsilaan te Bet Aven, ne ziyè dan megkampu.