2 Cronica 12:12 - Manobo Western Bukidnon OT

¹² Tenged te impekevavà ni Rehoboam is keugelingen din, naawà is kegkepeuki kandin te Nengazen, ne wazè ded sikandin mepurung mezeeti. Ne zuen ded keupiyaanan diyà te Juda.

2 Cronica 12:12 교차 참조

2 Cronica 19:3

Piru zuen ded meupiya he naahà diyà te kenikew. Impepen-awè nu kayi te Juda is menge tukud he simbulu te vahi he ed-ezapen he si Asera su iyan nu egkesuatan is kedangep te Megbevayà.”

1 Hadì 14:13

Edlalew kandin is langun he tig-Israel, ne idleveng sikandin. Iyan dà sikandin sakup te pemilya ni Jeroboam he egkepurungan is kedlevenga zuen, su iyan dà sikandin sakup te pemilya ni Jeroboam he nekepenunuat te Nengazen he Megbevayà te Israel.

Penhulùhulù 3:42

“Nekesalà key wey nekidsukulà key kenikew, Nengazen, ne wazè key kenikew peseyluwa.

Penhulùhulù 3:33

Su kenè din igkelipey is kebpaantus wey kedrasey kenitew.

Penhulùhulù 3:22

he is kebmahal wey hizu te Nengazen ne wazà pidtemanan. Umbe wazè kiw zed mepurung mezeeti.

Isaias 57:15

Iyan daan heini egkeǥiyen te Utew Lavew he Megbevayà, kes Waǥas he Megbevayà he wazà pidtemanan te untung din: “Diyà a ed-ubpà te metikang wey segradu he lugar, piru ed-ubpa a zaan duma te menge etew he kenà ebpelavew wey mid-iniyug te mezaat he ulaula su wey ku sikandan melig-eni.

Isaias 6:13

Minsan mesamè pa is ikesepulù he vahin te menge Israilihanen diyà te tanà te Israel, edezeetan ǥihapun sikandan. Piru zuen mibpilì ku ziyà te kandan ne iyan sikandan egkesamà. Egkeiring sikandan te tued te kayu he ulayan he mibpiley.”

Genesis 18:24

Penenglitan ke zuen 50 he menge metazeng he etew ziyà te inged, tutuu ve he edlimasen nu? Ne kenè nu egkehizuwan haazà is menge meǥinged minsan pa te zuen 50 he menge metazeng dutun?

2 Cronica 12:11

Ne emun edhendiyà haazà is hadì te valey te Nengazen, ne edumahan sikandin dutun te menge ebantey he ed-uwit kayi he menge kelasag, ne kegkepasad ne idlikù dan heini ziyà te ruǥu zan.