2 Cronica 11:4 - Manobo Western Bukidnon OT

⁴ te siak, is Nengazen, migkaǥi a te: ‘Kenè kew mebpekidtebek te menge kezuzumahi niw. Ulì kew, su kedì heini he kebayà is langun.’ ” Mibpezuma zan te Nengazen ne wazè dan surunga si Jeroboam.

2 Cronica 11:4 교차 참조

Genesis 13:8

Ne migkaǥi zutun si Abram diyà te ki Lot te, “Kenè ki edtebek ne kenà kinahanglan he ebpekedtebek is menge bekidu ta su enaken ku sikew.

Genesis 50:20

Su minsan pa te mezaat is tuyù niw kediey, mibpengelinteuwan te Megbevayà he meupiya is pangkus din. Su impelavew e zin su wey kiw is mezakel melibri ne kenà meumes.

2 Samuel 2:26

Migkulahì ni Abner si Joab te, “Pedayun en be is kebpehimhimetayè tew? Wazè nu ve meisip-isip he is pangkus kayi iyan is kepezumdumutà? Maan is kenè nu egkezawey is menge sakup nu he edal-as kenami te menge kezuzumahi niw?”

1 Hadì 22:36

Ne hein midsanlep en is andew, duen mibensag dutun te menge sundaru te Israel te, “Is kada sevaha med-ulì en diyà te kandin he ed-ulian!”

2 Cronica 11:3

“Keǥiyi nu si Hadì Rehoboam he hadì te Juda, he anak ni Solomon, wey langun he Israilihanen diyà te Juda wey Benjamin

Salmo 33:11

Piru is kandin mulà he menge pelanu ne ebpedayun te wazà pidtemanan; is kandin he menge ketuyuan kenà egkaawà taman te taman.

Hoseas 8:4

Mibpilì dan te menge hadì wey menge upisyal he wazè ku pilìa. Mibeelan dan he menge ed-ezapen is menge pelata zan wey menge vulawan. Ne heini he menge ed-ezapen iyan mid-uwit te kezeetan diyà te kandan.