2 Cronica 1:11 - Manobo Western Bukidnon OT

¹¹ Migkeǥiyan te Megbevayà si Solomon te, “Geina te mibuyù ka te ketau wey keuluwanen te kedumala kayi te keet-etawan ku he ebpehedian ku kenikew, ne wazè ka mebuyù te ketiǥeyunan etawa dengeg etawa kegkepetaya te menge kuntada nu etawa meluǥayad he untung,

2 Cronica 1:11 교차 참조

1 Hadì 10:24

Is menge etew ziyà te langun he menge nasyun, edtinguhà he meuma zan si Solomon su para mekepemineg sikandan te ketau he imbeǥey kandin te Megbevayà.

1 Hadì 3:28

Ne hein nezineg haazà is disisyun ni Hadì Solomon te menge etew te Israel, neteǥuan sikandan te zekelà he kedtahud kandin, su nemesahan dan he zuen din ketau te kedhukum te hustu he imbeǥey kandin te Megbevayà.

1 Hadì 8:18

Piru migkaǥi is Nengazen diyà te kandin te, ‘Meupiya su egkesuat ka he ebangun te valey he para te zengeg ku.

1 Cronica 28:2

Hein nengevurun dan en ne midhitindeg si David he migkaǥi te, “Pemineǥa a keniyu, menge suled wey menge keet-etawan ku. Egkesuat a he ebangun te valey te Nengazen para egkesevukan duen te Kavan te Kebpekid-uyun te Nengazen he Megbevayè tew, para zuen egkeuntuzan te paa zin. Ne neisip ku is edtukuzen en heini.

2 Cronica 1:12

ne ibeǥey ku kenikew is ebuyuen nu. Ne kenà iyan dà heeyan su ed-umanan ku pa sikew te zekelà he ketiǥeyunan wey zengeg he wazè pa maangken te minsan hentei he hadì he nehuna kenikew. Wey kenà daan egkaangken te edsunud pa he menge hadì.”

Erubasa 14:8

Is ketau te etew he metau he ed-isip-isip te ed-ul-ulahan din ke hendei is hustu wey kenà, ne iyan ebeǥey kandin te keuluwanen ke hengkey is ebeelan din, piru is ketutulebungi te menge tulebung, ne ebpekelimbung kandin.

Erubasa 23:7

Su is etew he iring keniyan, ebelensiyen din is kezekelà te egkekaan nu. Ke sikandin, “Pengaan ka.” Piru kenè bes ebpuun diyà te meupiya he ǥehinawa zin is kegkekeǥiya zin dutun.

Erubasa 8:15

Pinaaǥi kediey ebpekezumala is menge hadì, wey edhimu is menge pengulu te metazeng he menge kesuǥuan.

1 Samuel 16:7

Piru migkaǥi is Nengazen diyà te ki Samuel te, “Kenè nu iyan ahaa is dagwey wey is kelangkew. Is tutuu wazè ku sikandin pilia. Su is ed-ahaan ku ne kenà iring te ed-ahaan te etew. Su is etew iyan ed-ahaan din is dagwey, piru siak iyan ed-ahaan ku is gehinawa.”