1 Nehimu he utew melig-en is kedhadì ni Solomon he anak ni David diyà te ginhedian din su miduma kandin is Nengazen he Megbevayè din, wey midhimu zin sikandin he utew gehemanen.
Ne zutun he timpu, midhendiyà si Abimelec te ki Abraham wey is pengulu te menge sundaru zin he si Ficol. Migkeǥiyan ni Abimelec si Abraham te, “Netuenan dey iyan he edtevangan ka te Megbevayà te langun he ed-ul-ulahan nu.
Ne midsuǥù duen te hadì si Benaya he himetayi zin si Shimei. Umbe mid-uwit ni Benaya si Shimei ziyà te guwà ne midhimetayan din. Mid-iseg mebmelig-en haazà is ginhedian he midumala ni Solomon.
Midumahan ku sikew minsan hendei ka mebpevayà, ne impezaag ku kenikew is langun he kuntada nu. Guntaan edhimuwen ku sikew he mevantug iring te zuma he menge etew he egkevantug diyan te tivuuk he kelibutan.
“Umbe mama, berakat he iyan is Nengazen eduma kenikew wey mebmelempusen ka te kedtukuza nu te valey te Nengazen he Megbevayè nu, sumalà te migkaǥi zin he ebeelan nu.
Umbe, mibpinuu si Solomon duen te pinuuwey te Nengazen te kedhadì he ilis te amey zin he si David. Mid-uswag si Solomon wey mibpezumazuma kandin is tivuuk he Israel.
Ingkesurat dutun ke mibmenumenu zin is kedhadì din, wey ke sengemenu is kegkegemhanan din, wey is langun he nehitavù kandin wey te Israel, wey te nekelingut he menge ginhedian.
Mahabet he menge etew is mid-uwit te menge halad diyà te Jerusalem he para te Nengazen. Mid-uwit dan daan te mahalen he menge gasa para ki Hadì Hezekia. Puun dutun mibeǥayan te zengeg si Hezekia te langun he menge nasyun.
Ne migkaǥi is Megbevayà te, “Eduma a kenikew. Ne is egkehimu he singyal he iyan a midsuǥù kenikew iyan is: Emun igkepeǥawas nu en sikandan puun te Ehipto, ne kayi a keniyu ed-ezapa te vuvungan.”
Ne zutun migkaǥi is Nengazen diyà te ki Josue te, “Guntaan he andew ebpuunan ku is kebeǥey kenikew te zengeg diyà te etuvangan te menge etew te Israel, ne egketuenan dan he ebpekiduma a kenikew iring te kebpekiduma ku ki Moises.
