1 Samuel 9:23 - Manobo Western Bukidnon OT

²³ Ne migkeǥiyan ni Samuel kes peresuba te, “Uwita nu en kayi kes usa he impesivey ku kenikew.”

1 Samuel 9:23 교차 참조

Genesis 43:34

Duen menge idsezà he ebpuun te lemisahan ni Jose he impehated din diyà te kandan ne is imbeǥey ki Benjamin, ne kelelima metakep te kezekelà te imbeǥey ziyà te menge kakey zin. Ne migkaan dan ne mid-inum dan duma ki Jose ne mibmeupiya is gehinawa zan.

1 Samuel 1:5

Ne is ki Hana tenged te utew zin mahal minsan te wazè din anak su midhimu sikandin te Nengazen he kenà ebpekaanak, ne edezuwaan din mulà is kandin he vahin.

1 Samuel 9:22

Ne hein diyè en sikandan te simbahan he ziyà te metikang he lugar, miduma ni Samuel si Saul wey kes suluǥuen din dutun te zekelà he ruǥu he zutun kes 30 he menge mibpen-imbitar. Ne zutun impepinuu zin si Saul wey kes suluǥuen din dutun te vangkù he pinuuwà te menge meǥeliyug he dungganen.

1 Samuel 9:24

Ne zutun migkuwa zutun te peresuba kes buvun ne insavuk din dutun te etuvangan ni Saul. Migkeǥiyan ni Samuel si Saul te, “Sigi, kaan ke en, su impesivey ku heini para kenikew kayi he kevurunan, duma te menge etew he mibpen-imbitar ku.” Dutun migkaan si Saul duma ki Samuel te haazà he andew.