1 Samuel 8:19 - Manobo Western Bukidnon OT

¹⁹ Piru wazè dan pemineǥa is menge sambag ni Samuel. Ke sikandan te, “Kenà egkehimu! Egkesuatan dey he zuen hadì he ed-uwit kenami.

1 Samuel 8:19 교차 참조

2 Hadì 21:9

Piru wazà mebpemineg is menge etew. Mibpenguluwan sikandan ni Manase te kebaal te mezaat, ne edhuna pa he mezaat is baal zan te mezaat he vaal te menge etew ziyà te menge nasyun he mibpezezeetan te Nengazen te menge Israilihanen.

Salmo 81:11

Piru sikiyu is menge Israilihanen he menge etew ku, wazè kew mebpemineg wey mebpezumazuma kedì.

Salmo 81:12

Umbe, mibpesagdan ku sikiyu te kebmesinupaken niw, ne mibeelan niw is egkesuatan niw.

Isaias 66:4

Ne gawas keniyan, ebpeeǥiyan ku zaan sikandan te silut he igkeherati zan. Su hein nengumew a, wazà sikandan medtavak; ne hein migkaǥi a, wazà sikandan mebpemineg. Mibaal sikandan te kelelalung diyà te etuvangan ku, ne ke hengkey is kenè ku egkesuatan iyan ebeelan dan.”

Jeremias 44:16

“Kenè key edtuu te migkaǥi nu pinaaǥi te ngazan te Nengazen!

Jeremias 7:13

Dutun te kebeeli niw kayi te mezaat he menge vaal, edtulungan ku en sikiyu ebpetizeeni, piru wazè kew mebpemineg. Mid-umew ku sikiyu piru wazè kew medtavak.

Ezekiel 33:31

Umbe, ed-uvey is menge etew ku ziyà te kenikew iring duen te layun dan ebeeli, ebpinuu zan diyà te etuvangan nu he henduen be te tutuu he ebpemineg dan kenikew, piru iyan benar is wazè dan tumana is mibpengaǥi nu. Netuleng dan dà te kegkaǥi he mahal e zan, piru iyan diyà te ǥehinawa zan is dekelà he kadar te selapì.

Deuteronomio 17:14

“Emun ebpekeseled kew en duen te tanà he ibeǥey keniyu te Nengazen he Megbevayè niw wey egkaangken niw en heini ne zutun kew en he meǥinged, egkaǥi kew te, ‘Ebpilì kiw te hadì he ebpengulu kenitew iring te menge nasyun diyà te peliǥuy kenitew.’

1 Samuel 12:12

Piru hein edsurungen kew ni Nahash he hadì te menge Amunihanen, mibuyù kew kedì te hadì he edumala keniyu, minsan pa te zuen en Nengazen he iyan Megbevayà, he iyan hadì niw.