1 Samuel 7:13 - Manobo Western Bukidnon OT

¹³ Nezaag human te menge Israilihanen is menge Filistihanen, ne wazè dan en maan mekepenurung diyà te ubpaan te menge Israilihanen te uuyag pa si Samuel, su is menge Israilihanen, midtevangan sikandan te Nengazen.

1 Samuel 7:13 교차 참조

2 Samuel 8:1

Hein huziyan he timpu nezaag ni David is menge Filistihanen ne nesakup din en sikandan. Naaǥew zin diyà te kandan is lugar he Meteg Ama.

Zatù 13:1

Mibaal en maan is menge Israilihanen te igkepauk te Nengazen, umbe impesakup sikandan te Nengazen te menge Filistihanen seled te 40 he tuig.

Zatù 13:5

Emun id-anak en is anak nu, kenè nu tempezi is bulvul zin su puun te ked-enaka kandin ibpeveyveyaan en sikandin te Megbevayà he sevaha he Nazareo. Ne edlibriyen din is Israel puun te ǥehem te menge Filistihanen.”

Zatù 8:28

Nezaag te menge Israilihanen is menge Midianhen, ne kenè en sikandan ebpekehimu he ed-uman ebpekidtebek. Mibmelinew is Israel seled te 40 he tuig he zutun uuyag pa si Gideon.

1 Samuel 12:11

Ne midsuǥù te Nengazen si Gideon, si Barak, si Jefta wey siak, su midluwas dey sikiyu puun te kedsekupa keniyu te menge kuntada niw kayi te nekelingut, umbe guntaan meupiyè en is ked-ubpè niw.

1 Samuel 5:9

Ne hein nekeume en diyà, midsilutan daan te Nengazen is menge meǥinged dutun, batà etawa meǥurang su mibpelevaǥan sikandan te Nengazen.