1 Samuel 30:6 - Manobo Western Bukidnon OT

⁶ Midekelè en is prublima ni David su mezaat en is egkeisip te menge sakup din tenged te kegkevihaǥa te menge anak dan ne ebpelenuwan dan en te ebatu si David. Piru zutun midlig-enan si David te Nengazen he Megbevayè din.

1 Samuel 30:6 교차 참조

Genesis 32:7

Ne zutun utew nahandek si Jacob ne kenà ebpeketareg, ne mibahin din te zezuwa he grupu is menge sakup din ragkes is menge kerehidu, baka, kambing, wey kemilyu.

2 Samuel 17:8

Nekilala nu is amey nu wey is menge sakup din; mezesen sikandan wey zumezaas iring sikandan te bir he mid-eǥawan te menge anak din. Iring keniyan is amey nu he nelayam te tebek, wey kenà sikandin ebpekiduma te menge sakup din ke edlipezeng.

2 Hadì 4:27

Piru hein nekeume en sikandin diyà te ki Elisha zutun te vuvungan, midluhud sikandin is egawed diyà te paa ni Elisha. Mid-uvey si Gehazi su ebpekasen din haazà is bahi, piru migkaǥi si Elisha te, “Bey-ani nu en sikandin! Su nereǥenan sikandin, piru wazà keǥiya te Nengazen kedì ke maan.”

Job 13:15

Siguradu he edhimetayan a te Megbevayà; wazè ku en meupiya he egkeperateng. Piru edipinsahan ku ǥihapun is keugelingen ku ziyà te etuvangan din.

Salmo 116:10

Edtuu a ǥihapun kenikew minsan ke ebpekekaǥi a te, “Utew subra is menge elentusen ku.”

Salmo 138:3

Hein mid-umew ku sikew, ne midtavak a kenikew; midlig-enan a kenikew pinaaǥi te zesen nu.

Salmo 18:2

Iyan ka, Nengazen, batu he endilungè ku, melig-en he elesè ku wey menluluwas. Iring ka te elesà he vatu, he ed-eles a ziyà te kenikew. Iyan ka kelasag ku, mekeǥeǥehem he menluluwas, wey eputà.

Salmo 18:6

Umbe, te kedlised ku, nengumew a kenikew, Nengazen. Mibuyù a te tavang diyà te kenikew te Megbevayè ku, ne zutun te valey nu mibpemineg nu is ked-ampù ku.

Salmo 25:17

Mid-iseg en is menge kemereǥenen ku; libriya a te kegkeliveg ku.

Salmo 27:14

Sarig kew te Nengazen! Mebpekelig-en kew ne kenè kew medarà. Purung kew sarig diyà te Nengazen!

Salmo 31:24

Sikiyu is ebperateng te tavang te Nengazen, mebpekelig-en kew wey mebpekevurut.

Salmo 42:11

Maan is egkeseeng a wey egkeǥiyaǥiya? Te ereg e man he edsarig kenikew, ne ed-umanan ku sikew edeliǥa is menluluwas ku he Megbevayè ku.

Salmo 42:5

Piru kenà a ereg he egkeseeng wey egkeǥiyaǥiya. Ereg a he edsarig kenikew. Uya, ed-umanan ku sikew edeliǥa, is menluluwas wey Megbevayè ku.

Salmo 56:11

Kenà a egkahandek su edsarig a kenikew. Wazà etew he ebpekezezaat kedì.

Salmo 62:1

Diyè e zà te Megbevayà ebpekehimeley, ne ebpuun diyà te kandin is kelibriyanan ku.

Salmo 62:5

Diyè ku zà te Megbevayà egkaangken is kebpekehimeley ku su ibpeperateng e zin.

Salmo 71:4

He Megbevayè ku, luwasa a te kezeetan he edhimuwen te menge lalung wey mesipala he menge etew.

Salmo 71:5

He Nengazen he MEGBEVAYÀ, diyà te kenikew is perateng ku. Su puun te vatè e pa ne midsarig e en kenikew.

Exodus 17:4

Ne zutun mibuyù te tavang si Moises diyà te Nengazen, “He Nengazen, hengkey is ebeelan ku kayi te menge etew? Samè dà kenè e zan penulenga te vatu!”

Erubasa 18:10

Is Nengazen, iring te melig-en he turi he iyan egkeeputan te menge metazeng su wey zan kenà mekeizi.

Isaias 25:4

Iyan ka kes melig-en he eputà te menge pubri emun timpu te kedlised. Helungè ka emun timpu te vagyu wey gulavung. Su is kedsurung te mesipala he menge etew, iring te vagyu he ebpekesuǥat diyà te verengbeng,

Jeremias 16:19

Migkaǥi a te, “He Nengazen, iyan ka zesen ku wey eputà emun timpu te kelised. Ed-uvey ziyà te kenikew is menge etew ziyà te menge nasyun he ebpemuun diyà te nekedseselekawà he vahin kayi te kelibutan ne ke sikandan te, ‘Wazà pulus te menge ed-ezapen te menge kepuun dey. Wazà keupiyaanan he nehimu kayi ziyà te kandan.

Jonas 2:2

Ke sikandin te, “Nengazen, edsempiten ku sikew tenged te kemereǥenan he neeǥiyan ku. Ne midineg a kenikew. Ne midtevangan a kenikew hein edserupatey ad.

Numero 14:10

Ne zutun, ebpenulengen en pezem sikandan te vatu te menge zuma zan he Israilihanen, piru midtik-ew mebpaahà diyà te zivavew zuen te Tulda he Edtelevukaayan is mekeǥeǥehem he kebpekiduma te Nengazen.

Zatù 18:25

Ke sikandan te, “Ereg kad, su kela ke mepauk is duma he menge zuma zey ne edhimetayan ke zan ragkes is pemilya nu.”

Zatù 20:22

Umbe, mid-uman medtekezeg diyà te Betel is menge Israilihanen ne midsineǥew zan dutun taman te mezukilem. Mid-insaan dan is Nengazen te, “Ed-uman key pe be ebpekidtebek te menge kezumahan dey he menge Benjaminhen?” Midtavak is Nengazen te, “Uya.” Umbe midinesiǥà sikandan ne mid-uman dan mebpelastar zuen te mibpelastaran dan.

1 Samuel 23:16

Midhendiyà si Jonatan te kandin diyà te Horesh su midasiǥ din he edtevangan sikandin te Megbevayà.

1 Samuel 28:15

Migkeǥiyan ni Samuel si Saul te, “Maan is midsamuk a kenikew pinaaǥi te ked-umawa nu kedì?” Midtavak si Saul te, “Duen dekelà he prublima ku. Mibpekidtebek kedì is menge Filistihanen ne mid-iniyuǥan a te Megbevayà. Wazè e zin en tevaka, minsan pinaaǥi zà te menge ebpeneuven wey te menge teǥeinep. Umbe impeumew ku sikew su wey a kenikew mekeǥiyi ke hengkey is ebeelan ku.”