1 Samuel 25:40 - Manobo Western Bukidnon OT

⁴⁰ Hein nekeuma haazà is midsuǥù din diyà te Carmel, migkeǥiyan dan si Abigail te, “Impehendini key ni David te kenikew, su ibpaangey ke zin su ed-esewaan ke zin.”

1 Samuel 25:40 교차 참조

Genesis 24:51

Heini zed si Rebeka, dumaha niw en sikandin ke ed-ulì kew para egkehimu sikandin he iyan esawa te anak te egalen nu, sumalà is migkaǥi kenikew te Nengazen.”

Erubasa 11:16

Telehuzen is bahi he meupiya is ulaula zin. Piru kenà telehuzen is mevurut he maama su ketiǥeyunan dà is egkekuwa zin. Is etew he peǥulen egkaayuayu, piru is etew he meǥied edsepian mulà.

1 Samuel 25:39

Hein nezineg ni David he minatey en si Nabal, migkaǥi sikandin te, “Edeliǥen is Nengazen! Su iyan sikandin mibales ki Nabal te ked insultuwa zin kedì, wey inlikey e zin te kebales. Midsilutan din si Nabal te kenà meupiya he mibeelan din kedì.” Ne midsuǥù si David te menge etew he ibpelalag ki Abigail he ed-esewaan din.

1 Samuel 25:41

Ne midluhud si Abigail ebpesavut he midtahud din sikandan he egkaǥi te, “Uya, ebpemineg a. Andam a he ebpenilbi kandin minsan diyà te menge suluǥuen din.”