1 Samuel 25:21 - Manobo Western Bukidnon OT

²¹ Wazè pa meuǥet is kegkaǥi ni David te, “Wazà pulus te kebantey ku te menge azen ni Nabal ziyà te sibsivayan para wazà metazin kayi. Is keupiya ku he impeehè ku kandin ne mibelesan din te mezaat.

1 Samuel 25:21 교차 참조

Genesis 44:4

Ne hein kenè pa utew meziyù is imbayè dan migkaǥi si Jose ziyà te suluǥuen din te, “Gègaani nu telukuni haazà is menge etew ne emun egkesaut nu, keǥiyi nu sikandan te, ‘Maan is utew mezaat is imbales niw te ǥaǥew te egalen ku?

Job 30:8

Wazè dan pulus wey wazà nekekilala kandan, ne midsegseg sikandan puun te tanè dan.

Salmo 35:12

Mezaat is ibales dan te meupiya he ebeelan ku ziyà te kandan, umbe neselekawan a utew.

Salmo 37:8

Kenè nu ituǥut he zuen pauk etawa seeng diyà te ǥehinawa nu tenged kandan. Kenè ka mesemuki, su ebpekezezaat heini kenikew.

Salmo 38:20

Mezaat is ibales dan te menge meupiya he vaal ku kandan. Ne egkuntedahan a zan su ebpeninguhà a he ebaal te meupiya.

Erubasa 17:13

Emun mezaat is ibales ta te meupiya ne is mezaat kenà egkaawà diyà te valey ta.

Jeremias 18:20

Meupiya is mibeelan ku ziyà te kandan ne ebelesan e zan te mezaat. Mibangbang sikandan su para meulug a zutun. Tentenuzi nu he midangep a ziyà te kenikew te kedhangyù he kenè nu en sikandan kepeuki.

1 Samuel 25:13

Migkeǥiyan ni David is menge sakup din te, “Endama niw is menge ispada niw!” Ne zutun nengandam dan ne migkuwa zan is ispada zan, ne iyan daan haazà mibeelan ni David. Menge 400 he etew is miduma ki David. Ne 200 is mibpelintetaǥak su ebantey te menge gamit dan.

1 Samuel 25:15

Utew meupiya is kedapit dutun he menge etew kenami; wazè key zan pesipelahi. Wey te penahun he neked-uuvayè key ziyà te pemuleey, wazà netazin he kenami.

1 Samuel 25:20

Hein mid-untud en si Abigail te asnu zin he ebpehendiyà te kilid te vuntud, neehè din he igkedsinuǥung din si David wey is menge sakup din is ebpehendiyà te kandin.

1 Samuel 25:7

Nezineg ku he ebpepen-elutan nu is menge kerehidu nu. Hein duma zey pa heeyan is ebantey te menge kerehidu nu ziyà te Carmel, wazè dey sikandan pesipelahi wey wazà netazin he kandan.