15 Uya, mid-insaan ku is Megbevayà mehitenged kandin, kenà guntaan pa, kekenà, duen te nehuna pa. Piru edhangyù a kenikew he kenà a kenikew isumbung wey is tivuuk he pemilya ku, su wazè ku metueni heini he menge hitavù.”
Duen 200 he etew ziyà te Jerusalem he mibpenhinggat ni Absalom he meduma kandin diyà te Hebron. Heini he menge etew ne wazà mesayud te planu ni Absalom.
Mid-uǥupan dan si David wey is pemilya zin he mekelayun dutun te wahig, ne midtuman dan is minsan hengkey he egkesuatan ni David. Hein edrapas en si David dutun te Wahig he Jordan, midluhud si Simei ziyà te kandin
Umbe, nenginginsà si David te Nengazen, “Edsurungen dey ve is menge Filistihanen? Ibpezaag nu ve sikandan kenami?” Midtavak is Nengazen diyà te kandin, “Uya, ǥenat kew en, su ibpezaag ku sikandan keniyu.”
Ne mid-uman mebpenginginsà si David diyà te Nengazen, ne midtavak is Nengazen te, “Kenè niw ǥègaani te edsurung, kekenà, linguti niw sikandan ne surunga niw ziyà te uvey te menge kayu he balsam.
Hein nekeuma si Abigail ziyà te valey zan, ne midtukud te keemuran si Nabal he henduen te hadì. Utew sikandin melipayen ne utew sikandin nehubug. Ne wazà sikandin tudtuli ni Abigail taman te egkepawà.
